ವಕೀಲಿ ವೃತ್ತಿಗಾಗಿ ಕ್ರಿಕೆಟ್ ಗೆ ನಿವೃತ್ತಿ ಘೋಷಿಸಿದ ಕ್ರಿಕೆಟರ್!

ಲಂಡನ್: ಕ್ರಿಕೆಟಿಗನಾಗುವುದೇ ಅದೃಷ್ಟ ಎನ್ನುವ ಈ ಕಾಲದಲ್ಲಿ ಸಾಕಷ್ಟು ಅವಕಾಶಗಳಿದ್ದೂ,  ಕ್ರಿಕೆಟಿಗರೊಬ್ಬರು ನಿವೃತ್ತಿ ಘೋಷಿಸಿ ವಕೀಲಿ ವೃತ್ತಿ ಅಭ್ಯಾಸ ಮಾಡಲು ಹೊರಟಿದ್ದಾರೆ.

ಇಂಗ್ಲೆಂಡ್ ಆಟಗಾರ ಝಫರ್ ಅನ್ಸಾರಿ ಈ ಕ್ರಿಕೆಟಿಗ. ಅವರು ಇತ್ತೀಚೆಗಷ್ಟೇ ಭಾರತ ಪ್ರವಾಸ ಮಾಡಿದ ಇಂಗ್ಲೆಂಡ್ ತಂಡವನ್ನು ಪ್ರತಿನಿಧಿಸಿದ್ದರು. ಆಲ್ ರೌಂಡರ್ ಆಗಿರುವ ಅನ್ಸಾರಿಗೆ ಈಗ ಕಾನೂನು ಓದುವ ಮನಸ್ಸಾಗಿದೆಯಂತೆ.

ಅದಕ್ಕೇ 25 ವರ್ಷಕ್ಕೇ ಕ್ರಿಕೆಟ್ ಗೆ ಗುಡ್ ಬೈ ಹೇಳಿ ಪುಸ್ತಕ ಹಿಡಿಯಲು ಹೊರಟಿದ್ದಾರೆ. 8 ನೇ ವರ್ಷದಿಂದ ಕ್ರಿಕೆಟ್ ಬದುಕು ಪ್ರಾರಂಭಿಸಿದ ಅನ್ಸಾರಿ ಏಳು ವರ್ಷದಿಂದ ಸ್ಪರ್ಧಾತ್ಮಕ ಕ್ರಿಕೆಟ್ ನಲ್ಲಿದ್ದಾರೆ.

‘ಕ್ರಿಕೆಟ್ ಬಿಡುವುದು ನನಗೆ ಬೇಸರದ ಸಂಗತಿಯಾಗಿತ್ತು. ಅಷ್ಟಕ್ಕೂ ಅದುವೇ ನನ್ನ ಜೀವನದ ಪರಮ ಗುರಿಯಾಗಿರಲಿಲ್ಲ. ನನಗೆ ಬೇರೆ ಗುರಿಯಿತ್ತು. ಅದಕ್ಕೇ ಕ್ರಿಕೆಟ್ ಬಿಡುತ್ತಿದ್ದೇನೆ’ ಎಂದು ಅನ್ಸಾರಿ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ