ಭಾರತ ಏಕದಿನ ಸರಣಿ ಆರಂಭಕ್ಕೂ ಮೊದಲೇ ಇಂಗ್ಲೆಂಡ್ ಕ್ರಿಕೆಟ್ ತಂಡಕ್ಕೆ ಸಿಡಿಲು

ಲಂಡನ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ಏಕದಿನ ಸರಣಿ ಆರಂಭಕ್ಕೂ ಮೊದಲೇ ಪ್ರವಾಸಿ ತಂಡಕ್ಕೆ ಆಘಾತವಾಗಿದೆ. ಆಂಗ್ಲರ ಪ್ರಮುಖ ಬ್ಯಾಟ್ಸ್ ಮನ್ ಜೋ ರೂಟ್ ಭಾರತ ಪ್ರವಾಸದ ಮೊದಲ ಪಂದ್ಯಗಳಿಗೆ ಬರುವುದಿಲ್ಲ ಎಂದು ಹೇಳಿಕೊಂಡಿದ್ದಾರೆ.

ಅದಕ್ಕೆ ಕಾರಣ ಅವರ ಗೆಳತಿ. ಜೋ ರೂಟ್ ಮತ್ತು ಕ್ಯಾರಿ ಕೊಟೆರಲ್ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಹೀಗಾಗಿ ಮಗುವಿನ ಜನನದ ವೇಳೆಗೆ ಗೆಳತಿ ಜತೆಗಿರುವುದಾಗಿ ರೂಟ್ ಶಪಥ ಮಾಡಿಕೊಂಡಿದ್ದಾರೆ. ಹೀಗಾಗಿ ಕ್ರಿಕೆಟ್ ಆಡದೇ ಇರಲು ತೀರ್ಮಾನಿಸಿದ್ದಾರೆ.

ರೂಟ್ ಮತ್ತು ಗೆಳತಿ ಕ್ಯಾರಿ ಕಳೆದ ಮಾರ್ಚ್ ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇಂಗ್ಲೆಂಡ್ ತಂಡ ಗುರುವಾರ ಕ್ರಿಸ್ ಮಸ್ ರಜೆಯ ನಂತರ ಭಾರತಕ್ಕೆ ಏಕದಿನ ಸರಣಿ ಆಡಲು ಬಂದಿಳಿಯಲಿದೆ. ಹೀಗಾಗಿ ಈ ತಂಡದೊಂದಿಗೆ ರೂಟ್ ಭಾರತಕ್ಕೆ ಬರುವುದಿಲ್ಲ ಎನ್ನಲಾಗಿದೆ. ಇಂಗ್ಲೆಂಡ್ ಮೂರು ಏಕದಿನ ಮತ್ತು ಎರಡು ಟಿ-ಟ್ವೆಂಟಿ ಪಂದ್ಯವಾಡಲಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ