ಒಂದೇ ಓವರಿನಲ್ಲಿ 11 ಬಾಲ್ ಎಸೆದ ಆಸೀಸ್ ಕ್ರಿಕೆಟಿಗ

ಮೆಲ್ಬೋರ್ನ್: ಆಸ್ಟ್ರೇಲಿಯಾದ ಬಿಗ್ ಬಾಶ್ ಲೀಗ್ ಕ್ರಿಕೆಟ್ ನಲ್ಲಿ ಅದೇನೇನು ಅವಾಂತರಗಳು ನಡೆಯುತ್ತವೆ ಎನ್ನುವುದಕ್ಕೆ ಇದೊಂದು ಲೇಟೆಸ್ಟ್ ಉದಾಹರಣೆ. ಆಸೀಸ್ ಕ್ರಿಕೆಟಿಗ ಕ್ರಿಸ್ ಟ್ರೆಮೈನ್ ಒಂದೇ ಓವರ್ ನಲ್ಲಿ 11 ಬಾಲ್ ಎಸೆದಿದ್ದಾರೆ!

ಮೆಲ್ಬೋರ್ನ್ ಸ್ಟಾರ್ ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ ದಿ ರೆನೇಗೆಡ್ಸ್ ತಂಡದ ವೇಗಿ 11 ಬಾಲ್ ಎಸೆದ ಕುಖ್ಯಾತಿಗೆ ಒಳಗಾಗಿದ್ದಾರೆ. ಜೇಮ್ಸ್ ಫ್ರಾಂಕ್ಲಿನ್ ಬ್ಯಾಟಿಂಗ್ ಮಾಡುತ್ತಿದ್ದರು. ಆದರೆ ಅವರೂ 11 ಬಾಲ್ ಗಳನ್ನು ಸರಿಯಾಗಿ ನಿಭಾಯಿಸುವುದಲ್ಲಿ ವಿಫಲರಾದರು. ಒಂದೇ ಓವರಿನಲ್ಲಿ ಮೂರು ಫ್ರೀ ಹಿಟ್ ಸಿಕ್ಕಿದರೂ ಬಳಸಿಕೊಳ್ಳಲಿಲ್ಲ.

ಮೊದಲ ಬಾಲ್ ವೈಡ್, ಎರಡನೆಯದ್ದು ನೋ ಬಾಲ್, ಮೂರನೆಯದ್ದಕ್ಕೆ ಫ್ರೀ ಹಿಟ್ ಸಿಕ್ಕರೂ ರನ್ ಬರಲಿಲ್ಲ. ಮತ್ತೆರಡು ವೈಡ್ ಎಸೆದ ಕ್ರಿಸ್ ಮುಂದಿನ ಎಸೆತದಲ್ಲಿ ಫ್ರಾಂಕ್ಲಿನ್ ವಿಕೆಟ್ ಕಿತ್ತರು.  ಇದಾದ ಮೇಲೆ ಮತ್ತೆ ಐದು ಬಾಲ್ ಎಸೆದ ಕ್ರಿಸ್ ಒಂದು ವೈಡ್ ಒಳಗೊಂಡಿತ್ತು. ಅಂತೂ ಎರಡು ಓವರಿನಷ್ಟು ಬಾಲ್ ಒಂದೇ ಓವರಿನಲ್ಲಿ ಎಸೆದ ಕುಖ್ಯಾತಿಗೆ ಒಳಗಾದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ