ಭಾರತದಲ್ಲಿ ಯಶಸ್ಸು ಸಿಗಲು ಆಸ್ಟ್ರೇಲಿಯಾ ಕ್ರಿಕೆಟಿಗರ ಕಸರತ್ತು

ದುಬೈ:  ಭಾರತ ಪ್ರವಾಸ ಎನ್ನುವುದು ಯಾವುದೇ ಕಠಿಣ ಎದುರಾಳಿಗಳಿಗೂ ಸುಲಭದ ತುತ್ತಲ್ಲ. ವೇಗದ ಪಿಚ್ ಗಳಲ್ಲಿ ಆಡಿ ಅಭ್ಯಾಸವಿರುವ ಆಸ್ಟ್ರೇಲಿಯನ್ನರಿಗೂ ಭಾರತದ ಸ್ಪಿನ್ ಪಿಚ್ ಕಠಿಣವೆನಿಸಲಿದೆ. ಅದಕ್ಕಾಗಿಯೇ ಆಟಗಾರರು ಒಂದು ಎರಡು ತಿಂಗಳು ಮುಂಚಿತವಾಗಿಯೇ ಅಭ್ಯಾಸ ಮಾಡಲಿದ್ದಾರೆ.

ಅದೂ ದುಬೈನಲ್ಲಿ! ಅದಕ್ಕಾಗಿ ದುಬೈಗೆ ಚಿಕ್ಕ ಪ್ರವಾಸ ಮಾಡಲಿದ್ದಾರೆ. ಐಸಿಸಿಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಆಸ್ಟ್ರೇಲಿಯಾ ತಂಡ ಅಭ್ಯಾಸ ನಡೆಸಲಿದೆ ಎಂಬುದನ್ನು ತಂಡದ ಮೂಲಗಳೇ ಖಚಿತಪಡಿಸಿವೆ. ಆದರೆ ಯಾವಾಗ ಎಂಬುದನ್ನು ಸ್ಪಷ್ಟಪಡಿಸಿಲ್ಲ.

ಐಸಿಸಿ ದುಬೈನ ಕ್ರಿಕೆಟ್ ಅಕಾಡೆಮಿಯಲ್ಲಿ ಅಭ್ಯಾಸ ನಡೆಸಲೆಂದು ಎಲ್ಲಾ ರೀತಿಯ ಪಿಚ್ ನಿರ್ಮಿಸಿದೆ. ಆದರೂ ಭಾರತದ ರವಿಚಂದ್ರನ್ ಅಶ್ವಿನ್, ರವೀಂದ್ರ ಜಡೇಜಾ ದಾಳಿಯನ್ನು ಎದುರಿಸಲು ಇಲ್ಲಿ ತರಬೇತಿ ಸಿಗದು. ಹಾಗಿದ್ದರೂ, ಸ್ಪಿನ್ ಬೌಲಿಂಗ್ ಬಗ್ಗೆ ಇರುವ ಮನಸ್ಥಿತಿಯನ್ನು ಬದಲಾಯಿಸಿಕೊಂಡು ಭಾರತ ಪ್ರವಾಸ ಮಾಡಬಹುದೆಂಬ ವಿಶ್ವಾಸ ಆಸೀಸ್ ತಂಡದ್ದು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ