ಇಂಡಿಯಾ ರೆಡ್ ಮತ್ತು ಇಂಡಿಯಾ ಬ್ಲ್ಯೂ ನಡುವಿನ ದುಲೀಪ್ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯ ಎರಡನೆಯ ಪಂದ್ಯ ಮಳೆರಾಯನ ಕಾಟದಿಂದಾಗಿ ನಿರೀಕ್ಷೆಯಂತೆಯೇ ಡ್ರಾ ಆಗಿದೆ.
ಈ ಡ್ರಾದಿಂದ ಒಂಡು ಅಂಕವನ್ನು ಗಳಿಸಿದ ಯುವರಾಜ್ ಪಡೆ ಒಟ್ಟು ಅಂಕವನ್ನು 7ಕ್ಕೇರಿಸಿಕೊಂಡು ಅಂತಿಮ ಹಂತಕ್ಕೆ ಪ್ರವೇಶ ಪಡೆದುಕೊಂಡಿದೆ
ನಾಲ್ಕು ದಿನಗಳ ಕಾಲ ಕೇವಲ 78.2 ಓವರ್ ಆಡಲು ಮಾತ್ರ ಸಾಧ್ಯವಾಗಿದ್ದು ಎರಡು ಪಂದ್ಯಗಳು ಒಂದೊಂದು ಅಂಕವನ್ನು ಹಂಚಿಕೊಂಡವು. ಆರಂಭಿಕ ಪಂದ್ಯದಲ್ಲಿ ಸುರೇಶ್ ರೈನಾ ನೇತೃತ್ವದ ಇಂಡಿಯಾ ಗ್ರೀನ್ ವಿರುದ್ಧ ಸೆಣಸಾಡಿದ್ದ ರೆಡ್ ಗೆಲುವಿನ ಕೇಕೆ ಹಾಕುವುದರ ಮೂಲಕ 6 ಅಂಕಗಳನ್ನು ಬುಟ್ಟಿಗೆ ಹಾಕಿಕೊಂಡಿತು.
ಸೆಪ್ಟೆಂಬರ್ 4 ರಂದು ಬ್ಲ್ಯೂ ಮತ್ತು ಗ್ರೀನ್ ನಡುವೆ ಕದನ ಏರ್ಪಡಲಿದ್ದು ಫಲಿತಾಂಶ ರೆಡ್ ವಿರುದ್ಧ ಫೈನಲ್‌ನಲ್ಲಿ ಕಾದಾಡಲಿರುವ ತಂಡವನ್ನು ನಿರ್ಧರಿಸಲಿದೆ.
ಈ ಪಂದ್ಯದಲ್ಲಿ ಇನ್ನಿಂಗ್ಸ್ ಮುನ್ನಡೆ ಅಥವಾ ಗೆದ್ದ ತಂಡ ಫೈನಲ್‌ಗೇರಲಿದೆ. ಒಂದು ವೇಳೆ ಪಂದ್ಯವನ್ನು ಮಳೆ ನುಂಗಿ ಹಾಕಿದರೆ ಅಂಕಗಳು ಮತ್ತೆ ಇಬ್ಭಾಗವಾಗಲಿವೆ.
ಸಂಕ್ಷಿಪ್ತ ಸ್ಕೋರ್: ಇಂಡಿಯಾ ಬ್ಲ್ಯೂ 285/5 -( 78.2 ಓವರ್) ಮಾಯಾಂಕ್ ಅಗ್ರವಾಲ್ 92, ಗೌತಮ್ ಗಂಭೀರ್ 77, ಕುಲದೀಪ್ ಯಾದವ್ 4/78.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
