ಲಂಡನ್: ಟೀಂ ಇಂಡಿಯಾ ವಿಕೆಟ್ ಕೀಪರ್ ಯಾರು ಎಂದರೆ ಎಲ್ಲರೂ ಧೋನಿ ಹೆಸರೇ ಹೇಳುತ್ತಾರೆ. ಆದರೆ ಅವರನ್ನು ಇನ್ನು ಧೋನಿ ಎಂದು ಕರೆಯುವ ಬದಲು ಹೊಸ ಹೆಸರಿನಿಂದ ಕೂಗಬಹುದು. ಅವರಿಗೊಂದು ಹೊಸ ಹೆಸರು ಸಿಕ್ಕಿದೆ.
ಅದೇನದು? ಅಷ್ಟಕ್ಕೂ ಈ ಹೆಸರು ಬದಲಾವಣೆ ಮಾಡಿದ್ದು, ಧೋನಿ ಮನೆಯವರಾಗಲೀ, ಸ್ವತಃ ಧೋನಿಯಾಗಲೀ ಅಲ್ಲ. ಸಹ ಆಟಗಾರರೂ ಅಲ್ಲ. ದಿ ಒನ್ ಆಂಡ್ ಓನ್ಲೀ ವೀರೇಂದ್ರ ಸೆಹ್ವಾಗ್!
ಧೋನಿಗೆ ಹೊಸದಾಗಿ ನಾಮಕರಣ ಮಾಡಿದವರು ಸೆಹ್ವಾಗ್. ನಿನ್ನೆ ಭಾರತ ಪಂದ್ಯ ಸೋತರೇನಂತೆ? ಧೋನಿ ಭರ್ಜರಿ ಬ್ಯಾಟಿಂಗ್ ನಡೆಸಿ ಅರ್ಧಶತಕ ಗಳಿಸಿದ್ದರು. ಇದರಲ್ಲಿ ಮನಮೋಹಕ ಬೌಂಡರಿ, ಸಿಕ್ಸರ್ ಗಳಿದ್ದವು. ಇದನ್ನೆಲ್ಲಾ ನೋಡಿದ ಮೇಲೆ ಕಾಮೆಂಟರಿ ಮಾಡುತ್ತಿದ್ದ ಸೆಹ್ವಾಗ್ ಧೋನಿಗೊಂದು ಹೊಸ ಹೆಸರಿಟ್ಟಿದ್ದಾರೆ.
ಮಹೇಂದ್ರ ಬಾಹುಬಲಿ! ಹೌದು. ಧೋನಿಯನ್ನು ತಮ್ಮ ಕಾಮೆಂಟರಿಯುದ್ದಕ್ಕೂ ಸೆಹ್ವಾಗ್ ಮಹೇಂದ್ರ ಸಿಂಗ್ ಧೋನಿ ಎನ್ನುವ ಬದಲು ಅವರ ಸಿಡಿಲಬ್ಬರದ ಬ್ಯಾಟಿಂಗ್ ಗೆ ತಕ್ಕುದಾಗಿ ಮಹೇಂದ್ರ ಬಾಹುಬಲಿ ಎನ್ನುತ್ತಿದ್ದರು. ಮಹೇಂದ್ರ ಬಾಹುಬಲಿ ಎಂದರೆ ಬಾಹುಬಲಿ ಸಿನಿಮಾದಲ್ಲಿ ಬರುವ ನಾಯಕನ ಪಾತ್ರದ ಹೆಸರು. ಈ ಸಿನಿಮಾ ಭಾರತೀಯ ಚಿತ್ರರಂಗದಲ್ಲೇ ದಾಖಲೆ ಬರೆದಿತ್ತು. ಇದೀಗ ಧೋನಿಗೆ ಆ ಹೆಸರಿಡಲಾಗಿದೆ.
