ವಿರಾಟ್ ಕೊಹ್ಲಿ ಮೇಲೆ ಚೆಂಡು ವಿರೂಪಗಳಿಸಿದ ಆರೋಪ ಮಾಡಿದ ಬ್ರಿಟಿಷ್ ಪತ್ರಿಕೆ

ಲಂಡನ್: ಇಂಗ್ಲೆಂಡ್ ವಿರುದ್ಧ ರಾಜ್ ಕೋಟ್ ನಲ್ಲಿ ನಡೆದ ಮೊದಲ  ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಚೆಂಡು ವಿರೂಪಗೊಳಿಸಿದ್ದಾರೆಂದು ಬ್ರಿಟನ್ ಪತ್ರಿಕೆಯೊಂದು ಆರೋಪಿಸಿದೆ. ಆದರೆ ಇದನ್ನು ಐಸಿಸಿ ತಳ್ಳಿ ಹಾಕಿದ್ದು, ತನಿಖೆಗೆ ನಿರಾಕರಿಸಿದೆ.

ಕೊಹ್ಲಿ ಚೆಂಡಿಗೆ ಜೊಲ್ಲು ರಸ ಹಾಕಿ ತುಂಬಾ ಹೊತ್ತು ತಿಕ್ಕಿದ್ದಾರೆ. ಈ ಮೂಲಕ ಚೆಂಡು ಹೊಳಪುಗೊಳಿಸಲು ಪ್ರಯತ್ನಿಸಿದ್ದಾರೆ ಎಂದು ಪತ್ರಿಕೆ ಆರೋಪಿಸಿದೆ. ಇದು ಕೆಲವು ಟಿವಿ ಮಾಧ್ಯಮಗಳಲ್ಲಿ ಸೆರೆಯಾಗಿದೆ ಎಂದು ಪತ್ರಿಕೆ ಆರೋಪಿಸಿದೆ.

ಆದರೆ ಇದನ್ನು ನಿರಾಕರಿಸಿರುವ ಐಸಿಸಿ ಇಷ್ಟು ಸಮಯದ ನಂತರ ಈ ರೀತಿ ಆರೋಪ ಮಾಡುತ್ತಿರುವುದಕ್ಕೆ ಯಾವುದೇ ಹುರುಳಿಲ್ಲ. ಕೊಹ್ಲಿ ವಿರುದ್ಧ ಯಾವುದೇ ತನಿಖೆಯಿಲ್ಲ ಎಂದು ಸ್ಪಷ್ಟಪಡಿಸಿದೆ.

ದ.ಆಫ್ರಿಕಾ ನಾಯಕ ಫ್ಲಾ ಡು ಪ್ಲೆಸಿಸ್ ಕೂಡಾ ಇದೇ ಆರೋಪಕ್ಕೊಳಗಾಗಿ ಐಸಿಸಿ ಶಿಸ್ತು ಸಮಿತಿ ತನಿಖೆ ನಡೆಸಿದೆ. ಪರಿಣಾಮ ಪ್ಲೆಸಿಸ್ ಪಂದ್ಯದ ಸಂಭಾವನೆಯ ಶೇಕಡಾ 100 ರಷ್ಟು ಭಾಗ ಮರಳಿಸಲು ಆದೇಶಿಸಿದೆ. ಅದೃಷ್ಟವಶಾತ್ ಅವರು ಒಂದು ಪಂದ್ಯದ ನಿಷೇಧ ಶಿಕ್ಷೆಯಿಂದ ಪಾರಾಗಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ