ಇಂಗ್ಲೆಂಡ್ ವಿರುದ್ಧ ಮೂರು ಟೆಸ್ಟ್ ಗಳಿಗೆ ಭಾರತ ತಂಡದ ಆಯ್ಕೆ

ಮುಂಬೈ: ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ನಡೆಯಲಿರುವ ಉಳಿದ ಮೂರು ಟೆಸ್ಟ್ ಪಂದ್ಯಗಳಿಗೆ ಭಾರತ ತಂಡವನ್ನು ಆಯ್ಕೆ ಮಾಡಲಾಗಿದ್ದು, ಗೌತಮ್ ಗಂಭೀರ್ ತಂಡದಿಂದ ಔಟ್ ಆಗಿದ್ದು, ವೇಗಿ ಭುವನೇಶ್ವರ ಕುಮಾರ್ ಸ್ಥಾನ ಪಡೆದಿದ್ದಾರೆ.

ಗೌತಮ್ ಗಂಭೀರ್ ಹೊರಹೋಗಿರುವುದರಿಂದ ಆರಂಭಿಕರ ಸ್ಥಾನಕ್ಕೆ ಮುರಳಿ ವಿಜಯ್ ಮತ್ತು ಕೆ ಎಲ್ ರಾಹುಲ್ ಸ್ಥಾನ ಖಾಯಂ ಆದಂತಾಗಿದೆ. ಗಾಯದಿಂದ ಚೇತರಿಸಿಕೊಂಡು ರಣಜಿ ಪಂದ್ಯವಾಡುತ್ತಿರುವ ಶಿಖರ್ ಧವನ್ ಅವರನ್ನು ಆಯ್ಕೆ ಸಮಿತಿ ಪರಿಗಣಿಸಿಲ್ಲ.

ಭುವನೇಶ್ವರ ಕುಮಾರ್ ಗಾಯದಿಂದ ಚೇತರಿಸಿಕೊಂಡು ರಣಜಿ ಪಂದ್ಯವಾಡಿದ ನಂತರ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಉಳಿದಂತೆ ತಂಡದಲ್ಲಿ ಯಾವುದೇ ಬದಲಾವಣೆಗಳಿಲ್ಲ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ