ಮುಂಬೈ: ನಂ.10 ಜೆರ್ಸಿ. ಸಚಿನ್ ತೆಂಡುಲ್ಕರ್ ಎಂದರೆ ನೆನಪಾಗುವುದೇ ಈ 10 ನಂಬರ್ ನ ಜೆರ್ಸಿ. ಈ ಜೆರ್ಸಿಯನ್ನು ಬೇರೆಯವರು ತೊಡುವುದೂ ಅಭಿಮಾನಿಗಳಿಗೆ ಇಷ್ಟವಾಗಲ್ಲ. ಇದೇ ಕಾರಣಕ್ಕೆ ಬಿಸಿಸಿಐ ಇದೀಗ ಈ ನಂಬರ್ ಗೂ ನಿವೃತ್ತಿ ನೀಡಲು ಮುಂದಾಗಿದೆ.
ಸಚಿನ್ ಜತೆಗೆ ಈ ನಂಬರ್ ನ ಜೆರ್ಸಿಗೂ ವಿದಾಯ ನೀಡಿದೆ. ಇನ್ನು ಮುಂದೆ ಈ ನಂಬರ್ ನ್ನು ಯಾವುದೇ ಆಟಗಾರ ತನ್ನ ಜೆರ್ಸಿ ಮೇಲೆ ಹಾಕಿಕೊಳ್ಳುವಂತಿಲ್ಲ ಎಂದು ಆದೇಶ ಹೊರಡಿಸಿದೆ.
ಸಚಿನ್ ಆಡಿದ್ದ ಮುಂಬೈ ಇಂಡಿಯನ್ಸ್ ಐಪಿಎಲ್ ತಂಡ ತೆಂಡುಲ್ಕರ್ ನಿವೃತ್ತಿಯಾದ ಕ್ಷಣದಿಂದಲೇ 10 ನಂಬರ್ ಜೆರ್ಸಿಗೂ ನಿವೃತ್ತಿ ಕೊಟ್ಟಿತ್ತು. ಇದೀಗ ಬಿಸಿಸಿಐ ಸರದಿ. ಯುವ ಕ್ರಿಕೆಟಿಗರು ಈ ನಂಬರ್ ಜೆರ್ಸಿ ಹಾಕಿಕೊಂಡು ಆಡುವುದು, ಅದರ ಮೇಲೆ ಅಭಿಮಾನಿಗಳು ಕೆಂಗಣ್ಣು ಬೀರುವುದು, ಈ ರಗಳೆಗಳೆಲ್ಲಾ ಬೇಡ ಎಂದು ಬಿಸಿಸಿಐ ಈ ತೀರ್ಮಾನಕ್ಕೆ ಬಂದಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ