ಕರಾಚಿ: ಪಾಕಿಸ್ತಾನ ಕ್ರಿಕೆಟಿಗರು ಭಾರತದ ಕ್ರಿಕೆಟಿಗರಷ್ಟು ಶ್ರೀಮಂತರಲ್ಲ ಎನ್ನುವುದು ಗೊತ್ತಿರುವ ಸಂಗತಿಯೇ. ಹೀಗಿರುವಾಗ ಜೀವನ ನಿರ್ವಹಣೆಗೆ ಏನಾದರೂ ಕಸುಬು ಬೇಕಲ್ಲಾ? ಅದಕ್ಕೆ ಪಾಕಿಸ್ತಾನದ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್ ಬಟ್ಟೆ ಅಂಗಡಿ ತೆರೆದಿದ್ದಾರೆ.
ಇದಕ್ಕೆ ಮೊದಲು ಇಂಜಿ ಮಾಂಸದ ಅಂಗಡಿ ತೆರೆದಿದ್ದರು. ಇದೀಗ ಜವಳಿ ಅಂಗಡಿ ತೆರೆದಿದ್ದಾರೆ. ಇದಕ್ಕೆ ಲೆಜೆಂಡ್ಸ್ ಆಫ್ ಇಂಜಮಾಮ್ ಎಂದು ಹೆಸರಿಟ್ಟಿದ್ದಾರೆ. ವಿಶೇಷವೆಂದರೆ ಈ ಅಂಗಡಿ ಆರಂಭ ಮಹೋತ್ಸವಕ್ಕೆ ಪಾಕ್ ನ ಮಾಜಿ, ಹಾಲಿ ಕ್ರಿಕೆಟಿಗರೆಲ್ಲಾ ಬಂದಿದ್ದಾರೆ.
ಹೇಳಿ ಕೇಳಿ ಇಂಜಮಾಮ್ ಪಾಕ್ ನ ಆಯ್ಕೆ ಸಮಿತಿ ಮುಖ್ಯಸ್ಥ. ಹೀಗಿರುವಾಗ ಅಧ್ಯಕ್ಷರನ್ನು ಸಂತೋಷಪಡಿಸಲಾದರೂ ಬಾರದೇ ಆದೀತೇ. ಅದಕ್ಕೆ ನಾಯಕ ಮಿಸ್ಬಾ ಉಲ್ ಹಕ್, ಮೊಹಮ್ಮದ್ ಯೂಸಫ್, ಕಮ್ರಾನ್ ಅಕ್ಮಲ್, ಅಹಮ್ಮದ್ ಶೆಹಜಾದ್ ಸೇರಿದಂತೆ ಪ್ರಮುಖರೆಲ್ಲಾ ಬಂದು ಅಂಗಡಿಯ ಬೋರ್ಡ್ ಮುಂದೆ ನಿಂತು ಫೋಟೋ ತೆಗೆಸಿಕೊಂಡರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ