ಸೌಥಾಂಪ್ಟನ್: ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಫೈನಲ್ಸ್ ಪಂದ್ಯದಲ್ಲಿ ಟೀಂ ಇಂಡಿಯಾ ತೃತೀಯ ದಿನದ ಊಟದ ವಿರಾಮದ ವೇಳೆಗೆ 7 ವಿಕೆಟ್ ನಷ್ಟಕ್ಕೆ 211 ರನ್ ಗಳಿಸಿದೆ.
ಗೌರವಯುತ ಮೊತ್ತ ಕಲೆ ಹಾಕಲು ಟೀಂ ಇಂಡಿಯಾ ಬಾಲಂಗೋಚಿಗಳು ಹೆಣಗಾಡುತ್ತಿದ್ದಾರೆ. ರವಿಚಂದ್ರನ್ ಅಶ್ವಿನ್ 22 ರನ್ ಗಳಿಸಿ ಔಟಾದರು.
ಇದೀಗ ಕ್ರೀಸ್ ನಲ್ಲಿ ರವೀಂದ್ರ ಜಡೇಜಾ 15, ಇಶಾಂತ್ ಶರ್ಮಾ 2 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಈ ಪಿಚ್ ನಲ್ಲಿ 250 ರನ್ ಗಳಿಸಿದರೂ ಪೈಪೋಟಿಕರ ಮೊತ್ತವಾಗಬಹುದು. ಸದ್ಯಕ್ಕೆ ಕಿವೀಸ್ ದಾಳಿಯನ್ನು ಎದುರಿಸಿ ನಿಲ್ಲುವುದೂ ಸವಾಲಾಗಲಿದೆ.