Nikhil Sosale: ಅನುಷ್ಕಾ ಶರ್ಮಾಗೆ ಅಂಟಿಕೊಂಡೇ ಇದ್ದರು ಅರೆಸ್ಟ್ ಆಗಿರುವ ನಿಖಿಲ್ ಸೋಸಲೆ ಪತ್ನಿ

Photo Credit: X

ಬೆಂಗಳೂರು: ಚಿನ್ನಸ್ವಾಮಿ ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧಿತರಾಗಿರುವ ಆರ್ ಸಿಬಿ ಮಾರ್ಕೆಟಿಂಗ್ ಮುಖ್ಯಸ್ಥ ನಿಖಿಲ್ ಸೋಸಲೆ ಪತ್ನಿ ಅನುಷ್ಕಾ ಶರ್ಮಾಗೆ ಅಂಟಿಕೊಂಡೇ ಇದ್ದರು. ಅವರು ಯಾರು ಇಲ್ಲಿದೆ ಹಿನ್ನಲೆ.

ಆರ್ ಸಿಬಿ ಆಡುವ ಎಲ್ಲಾ ಪಂದ್ಯಗಳಲ್ಲಿ ಈ ಬಾರಿ ಅನುಷ್ಕಾ ಶರ್ಮಾ ಓರ್ವ ಗೆಳತಿಯೊಂದಿಗೆ ಕಾಣಿಸಿಕೊಳ್ಳುತ್ತಿದ್ದರು. ಬಿಳಿ ಶರ್ಟ್ ನಲ್ಲಿ ಕೆಂಪು ಲಿಪ್ ಸ್ಟಿಕ್ ಹಾಕಿಕೊಂಡು ಸ್ಟೈಲಿಶ್ ಆಗಿ ಕಾಣಿಸಿಕೊಳ್ಳುತ್ತಿದ್ದ ಈ ಮಹಿಳೆ ಯಾರು ಎಂದು ಹಲವರಿಗೆ ಕುತೂಹಲವಾಗಿತ್ತು.

ಈಕೆ ಬೇರೆ ಯಾರೂ ಅಲ್ಲ. ಈಗ ಅರೆಸ್ಟ್ ಆಗಿರುವ ನಿಖಿಲ್ ಸೋಸಲೆ ಪತ್ನಿ ಮಾಳವಿಕಾ ನಾಯಕ್. ಈಕೆ ರಿಷಭ್ ಪಂತ್ ಶತಕ ಸಿಡಿಸಿದ ಬಳಿಕ ಪಲ್ಟಿ ಹೊಡೆದು ಸಂಭ್ರಮಾಚರಣೆ ಮಾಡಿದ್ದನ್ನು ವ್ಯಂಗ್ಯ ಮಾಡಿ ಸುದ್ದಿಯಾಗಿದ್ದರು. ಈಕೆ ಕೂಡಾ ಉದ್ಯಮಿಯೇ.

ಅನುಷ್ಕಾ ಶರ್ಮಾ ನಿಕಟವರ್ತಿಯಾಗಿರುವುದರಿಂದ ವಿರಾಟ್ ಕೊಹ್ಲಿಗೂ ಆಪ್ತರಾಗಿದ್ದರು. ಗ್ಯಾಲರಿ ಮಾತ್ರವಲ್ಲ, ಮೈದಾನದಲ್ಲಿ ಕೊಹ್ಲಿ, ಅನುಷ್ಕಾ ಶರ್ಮಾ ಜೊತೆ ಮಾಳವಿಕಾ ಕೂಡಾ ಸಂಭ್ರಮಾಚರಣೆ ವೇಳೆ ಜೊತೆಗಿದ್ದರು. ಇನ್ನು, ಹೆಚ್ಚಿನ ಪಂದ್ಯಗಳಲ್ಲಿ ಮಾಳವಿಕಾ ಜೊತೆ ನಿಖಿಲ್ ಸೋಸಲೆ ಕೂಡಾ ಅನುಷ್ಕಾ ಜೊತೆಯೇ ಕುಳಿತು ಪಂದ್ಯ ವೀಕ್ಷಿಸುತ್ತಿದ್ದರು. ಅವರೇ ಈಗ ಚಿನ್ನಸ್ವಾಮಿಯಲ್ಲಿ ಉಚಿತ ಪಾಸ್, ವಿಕ್ಟರಿ ಪೆರೇಡ್ ಬಗ್ಗೆ ಘೋಷಣೆ ಮಾಡಿದ್ದಾರೆ ಎನ್ನುವುದು ಆರೋಪವಾಗಿದೆ.