ವೆಸ್ಟ್ ಇಂಡೀಸ್ ವಿರುದ್ಧ ಪಾಕಿಸ್ತಾನಕ್ಕೆ ಸೋಲು

ಶಾರ್ಜಾ: ಪಾಕಿಸ್ತಾನ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ 5 ವಿಕೆಟ್ ಗಳಿಂದ ಗೆಲುವು ಸಾಧಿಸಿದೆ.

ಮೊದಲ ಇನಿಂಗ್ಸ್ ನಲ್ಲಿ ಶತಕ ಗಳಿಸಿದ್ದ ಕ್ರೆಗ್ ಬ್ರಾಥ್ ವೈಟ್ ದ್ವಿತೀಯ ಇನಿಂಗ್ಸ್ ನಲ್ಲೂ ಅರ್ಧಶತಕ ಗಳಿಸಿ ವಿಂಡೀಸ್ ತಂಡವನ್ನು ದಡ ಮುಟ್ಟಿಸಿದರು. ಪಾಕಿಸ್ತಾನ ನೀಡಿದ 153 ರನ್ ಗಳ ಗುರಿ ಪಡೆದ ವಿಂಡೀಸ್ ನಾಲ್ಕನೇ ದಿನದ ಅಂತ್ಯಕ್ಕೆ ಐದು ವಿಕೆಟ್ ಕಳೆದುಕೊಂಡು 114 ರನ್ ಗಳಿಸಿತ್ತು. ಅಂತಿಮ ದಿನ ವಿಕೆಟ್ ಕಳೆದುಕೊಳ್ಳದೇ ವಿಂಡೀಸ್ ಉಳಿದ 39 ರನ್ ಗಳಿಸಿ ವಿಜಯಿಯಾತು.

ಪಾಕಿಸ್ತಾನ ಪರ ಯಾಸಿರ್ ಶಾ ಮೂರು ವಿಕೆಟ್ ಕಿತ್ತರು. ಈಗಾಗಲೇ ಮೂರು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ಮೊದಲ ಎರಡು ಪಂದ್ಯ ಗೆದ್ದ ಪಾಕ್ ಸರಣಿ ಕೈವಶ ಮಾಡಿಕೊಂಡಿತ್ತು. ಆದರೆ ಕ್ಲೀನ್ ಸ್ವೀಪ್ ಮಾಡುವ ಅವಕಾಶ ಕೈ ತಪ್ಪಿತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ