ಪೋರ್ಟ್ ಆಫ್ ಸ್ಪೇನ್: ಜಾಗತಿಕ ಕ್ರಿಕೆಟ್ ನ ಶ್ರೇಷ್ಠ ಕ್ರಿಕೆಟಿಗರಲ್ಲೊಬ್ಬರಾಗಿರುವ ವಿರಾಟ್ ಕೊಹ್ಲಿಯ ಆರಾಧಕರು ಎಷ್ಟೋ ಮಂದಿ ಇದ್ದಾರೆ. ಎದುರಾಳಿ ತಂಡದವರೂ ಅವರನ್ನು ಅಭಿಮಾನದಿಂದ ನೋಡುತ್ತಾರೆ.
ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡ ವಿಕೆಟ್ ಕೀಪರ್ ಜೊಶುವಾ ಡಿ ಸಿಲ್ವಾ ಕಿಂಗ್ ಕೊಹ್ಲಿಯ ಅಪ್ಪಟ ಅಭಿಮಾನಿ. ಪಂದ್ಯವಾಡುವಾಗಲೂ ಕೊಹ್ಲಿಗೆ ನಿಮ್ಮ ಶತಕ ನೋಡಲು ಕಾತುರನಾಗಿದ್ದೇನೆ ಎಂದು ಹೇಳಿಕೊಂಡಿದ್ದು ವೈರಲ್ ಆಗಿತ್ತು.
ವಿಶೇಷವೆಂದರೆ ಜೊಶುವಾ ಮಾತ್ರವಲ್ಲ, ಅವರ ತಾಯಿಯೂ ಕೊಹ್ಲಿಯ ಅಪ್ಪಟ ಅಭಿಮಾನಿ. ಅವರನ್ನು ಒಮ್ಮೆ ಭೇಟಿಯಾಗಬೇಕೆಂಬುದು ಅವರ ಕನಸಾಗಿತ್ತಂತೆ. ಅದರಂತೆ ಕೊಹ್ಲಿ ಪಂದ್ಯ ಮುಗಿಸಿಕೊಂಡು ಟೀಂ ಬಸ್ ಏರುವಾಗ ಜೊಶುವಾ ತಾಯಿ ಭೇಟಿ ಮಾಡಿ ಅವರ ಕನಸು ನನಸು ಮಾಡಿದ್ದಾರೆ. ಜೊಶುವಾ ತಾಯಿ ಈ ವೇಳೆ ತಮ್ಮ ಆರಾಧ‍್ಯ ದೈವವನ್ನು ನೋಡಿ ಕಣ್ಣೀರು ಹಾಕಿದ್ದಲ್ಲದೆ, ಕೆನ್ನೆಗೆ ಮುತ್ತು ಕೊಟ್ಟು ಸಂಭ್ರಮಿಸಿದ್ದಾರೆ. ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
