ಮೈದಾನದಲ್ಲೇ ನಡೀತು ವಿರಾಟ್ ಕೊಹ್ಲಿ-ಅನುಷ್ಕಾ ಪ್ರೇಮ ಸಲ್ಲಾಪ

ಎಡ್ಜ್ ಬಾಸ್ಟನ್: ಟೀಂ ಇಂಡಿಯಾ ಸಂಕಷ್ಟದಲ್ಲಿದ್ದಾಗ ನಾಯಕನ ಆಟವಾಡಿ ಶತಕ ಗಳಿಸಿದ ವಿರಾಟ್ ಕೊಹ್ಲಿ ಅದನ್ನು ತಮ್ಮ ವಿವಾಹದ ಉಂಗುರಕ್ಕೆ ಚುಂಬಿಸುವ ಮೂಲಕ ಸಂಭ್ರಮಿಸಿದ್ದಾರೆ.

ಶತಕ ಗಳಿಸಿದ ಮೇಲೆ ಎಂದಿನಂತೆ ಆಕ್ರಮಣಕಾರಿಯಾಗಿ ಕೂಗಿ ತಮ್ಮ ಭಾವನೆ ಹೊರಹಾಕಿದ ಕೊಹ್ಲಿ ಬಳಿಕ ತಮ್ಮ ಕೊರಳಲ್ಲಿ ಯಾವತ್ತೂ ಧರಿಸುವ ವಿವಾಹದ ಉಂಗುರವನ್ನು ತೆಗೆದು ಅದಕ್ಕೆ ಮುತ್ತಿಕ್ಕಿ ಸಂಭ್ರಮಿಸಿದರು.

ವಿರಾಟ್ ಕೊಹ್ಲಿ ಔಟಾದಾಗ ಟೀಂ ಇಂಡಿಯಾ ಪ್ರಥಮ ಇನಿಂಗ್ಸ್ ಮುಕ್ತಾಯವಾಯಿತು. ಹೀಗಾಗಿ ಕೊಹ್ಲಿ ಪೆವಿಲಿಯನ್ ಕಡೆಗೆ ಹೆಜ್ಜೆ ಹಾಕುತ್ತಿದ್ದರೆ ಅಭಿಮಾನಿಗಳು ಅವರಿಗೆ ಎದ್ದು ನಿಂತು ಗೌರವಿಸಿದರು. ಈ ಸಂದರ್ಭದಲ್ಲಿ ಅಭಿಮಾನಿಗಳಿಗೆ ಬ್ಯಾಟ್ ಎತ್ತಿ ತಮ್ಮ ವಂದನೆ ಸಲ್ಲಿಸುವಾಗ ಕೊಹ್ಲಿಗೆ ಗ್ಯಾಲರಿಯಲ್ಲಿ ನಿಂತು ತಮಗಾಗಿ ನಗುತ್ತಾ ಚಪ್ಪಾಳೆ ತಟ್ಟುತ್ತಿದ್ದ ಪತ್ನಿ ಅನುಷ್ಕಾ ಕಾಣಿಸಿದರು.

ತಕ್ಷಣ ತಾವೂ ನಗುತ್ತಾ ಅನುಷ್ಕಾ ಕಡೆಗೆ ಬ್ಯಾಟ್ ಬೀಸಿ ತಮ್ಮ ಪ್ರೇಮ ಸಲ್ಲಾಪ ನಡೆಸಿದರು. ಇದು ಕ್ಯಾಮರಾಗಳಲ್ಲಿ ಸೆರೆಯಾಗಿ ವೈರಲ್ ಆಗಿದೆ. ಈ ಮೂಲಕ ತಾವು ಸಿಡಿಸಿದ ಶತಕವನ್ನು ತಮ್ಮ ಜತೆಗೆ ಸದಾ ಬೆಂಬಲವಾಗಿ ನಿಲ್ಲುವ ಪತ್ನಿ ಅನುಷ್ಕಾಗೆ ಅರ್ಪಿಸಿದ್ದಾರೆ ಕೊಹ್ಲಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.