ರೋಹಿತ್ ಶರ್ಮಾ ಔಟಾಗಿ ಮರಳುತ್ತಿದ್ದಾಗ ವಿರಾಟ್ ಕೊಹ್ಲಿ ಮಾಡಿದ್ದೇನು ಗೊತ್ತಾ

Photo Credit: X
ಸೈಂಟ್ ಲೂಸಿಯಾ: ಟಿ20 ವಿಶ್ವಕಪ್ ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಸೂಪರ್ 8 ಪಂದ್ಯದಲ್ಲಿ ಹೊಡೆಬಡಿಯ ಇನಿಂಗ್ಸ್ ಆಡಿ ನಾಯಕ ರೋಹಿತ್ ಶರ್ಮಾ ಔಟಾಗಿ ಪೆವಿಲಿಯನ್ ಗೆ ಮರಳುವಾಗ ವಿರಾಟ್ ಕೊಹ್ಲಿ ನೀಡಿದ ಪ್ರತಿಕ್ರಯೆ ಎಲ್ಲರ ಗಮನ ಸೆಳೆದಿದೆ.

ನಿನ್ನೆಯ ಪಂದ್ಯದಲ್ಲಿ ರೋಹಿತ್ ಆಸ್ಟ್ರೇಲಿಯಾ ಬೌಲರ್ ಗಳನ್ನು ಮನಸೋ ಇಚ್ಛೆ ದಂಡಿಸಿ 41 ಎಸೆತಗಳಿಂದ 92 ರನ್ ಗಳಿಸಿದ್ದಾಗ ಔಟಾದರು. ಅರ್ಹ ಶತಕವೊಂದು ಅವರಿಗೆ ಮಿಸ್ ಆಗಿತ್ತು. ಆದರೆ ಆಗಲೇ ತಂಡಕ್ಕೆ ಬೇಕಾದಂತಹ ಭದ್ರ ಅಡಿಪಾಯ ಅವರು ಹಾಕಿಕೊಟ್ಟಿದ್ದರು. ಅದರಲ್ಲೂ ಅವರು ಸಿಡಿಸಿದ 8 ಸಿಕ್ಸರ್ ಗಳ ಪೈಕಿ ಒಮ್ಮೆಯಂತೂ ಬಾಲ್ ಮೈದಾನದಾಚೆ ದಾಟಿತ್ತು. ಇದು ಅವರ ಬ್ಯಾಟಿಂಗ್ ಅಬ್ಬರಕ್ಕೆ ಸಾಕ್ಷಿಯಾಗಿತ್ತು.

ರೋಹಿತ್ ಈ ಸಿಡಿಲಬ್ಬದ ಬ್ಯಾಟಿಂಗ್ ಮಾಡಿ 92 ರನ್ ಗಳಿಸಿ ಔಟಾದಾಗ ಎಲ್ಲರಲ್ಲೂ ನಿರಾಸೆಯಿತ್ತು. ಆದರೆ ಈ ಇನಿಂಗ್ಸ್ ಯಾವ ಶತಕಕ್ಕೂ ಕಮ್ಮಿಯಿರಲಿಲ್ಲ. ಹೀಗಾಗಿ ಇಡೀ ಮೈದಾನವೇ ಎದ್ದು ನಿಂತು ರೋಹಿತ್ ಗೆ ಸೆಲ್ಯೂಟ್ ಮಾಡಿತ್ತು. ಡಗೌಟ್ ನಲ್ಲಿ ಕುಳಿತಿದ್ದ ಟೀಂ ಇಂಡಿಯಾ ಆಟಗಾರರು, ಸಿಬ್ಬಂದಿಗಳೂ ರೋಹಿತ್ ಗೆ ಎದ್ದು ನಿಂತು ಗೌರವ ಸಲ್ಲಿಸಿದ್ದಾರೆ.

ಅದರಲ್ಲೂ ವಿರಾಟ್ ಕೊಹ್ಲಿಯಂತೂ ರೋಹಿತ್ ಬ್ಯಾಟಿಂಗ್ ಡಗೌಟ್ ನಲ್ಲಿ ಕುಳಿತು ಭಾರೀ ಎಂಜಾಯ್ ಮಾಡುತ್ತಿದ್ದರು. ಅವರ ಪ್ರತಿಯೊಂದು ಸಿಕ್ಸರ್ ಗೂ ವಾವ್ ಎನ್ನುತ್ತಾ ಚಪ್ಪಾಳೆ ತಟ್ಟುತ್ತಿದ್ದರು. ಬಳಿಕ ರೋಹಿತ್ ಔಟಾಗಿ ಮರಳುವಾಗ ಎದ್ದು ನಿಂತು ಶಹಬ್ಬಾಶ್ ಎನ್ನುತ್ತಾ ವಿರಾಟ್ ಚಪ್ಪಾಳೆ ತಟ್ಟಿದ್ದು ಎಲ್ಲರ ಗಮನ ಸೆಳೆಯಿತು.