ವಿರಾಟ್ ಕೊಹ್ಲಿ ಗಡ್ಡಕ್ಕೂ ಇನ್ಶೂರ್ ಮಾಡಿದ್ದಾರಾ? ಕೆಎಲ್ ರಾಹುಲ್ ಹೇಳಿದ್ದೇನು?!

ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತಮ್ಮ ಗಡ್ಡದ ಮೇಲೆ ವಿಶೇಷ ಪ್ರೇಮ ಇರಿಸಿಕೊಂಡಿದ್ದಾರೆ ಎನ್ನುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೆ ಕೊಹ್ಲಿ ತಮ್ಮ ಗಡ್ಡಕ್ಕೆ ಇನ್ಶೂರ್ ಮಾಡಿಸಿದ್ದಾರಾ?

ಹೀಗೊಂದು ಅನುಮಾನವನ್ನು ಕೆಎಲ್ ರಾಹುಲ್ ಟ್ವಟರ್ ಮೂಲಕ ತಮಾಷೆಯಾಗಿ ಹೇಳಿಕೊಂಡಿದ್ದಾರೆ. ಇಬ್ಬರು ಸೂಟುಧಾರಿಗಳು ಕೊಹ್ಲಿ ಗಡ್ಡವನ್ನು ಅಳೆಯುತ್ತಿರುವ ಸಿಸಿಟಿವಿ ವಿಡಿಯೋವನ್ನು ರಾಹುಲ್ ಪೋಸ್ಟ್ ಮಾಡಿದ್ದಾರೆ.

ಅಷ್ಟೇ ಅಲ್ಲದೆ, ‘ನಿಮಗೆ ಗಡ್ಡದ ಮೇಲೆ ವಿಶೇಷ ಪ್ರೇಮವಿದೆ ಎನ್ನುವುದು ಗೊತ್ತು. ಆದರೆ ಈ ವಿಡಿಯೋ ನೋಡಿದರೆ ಗಡ್ಡಕ್ಕೆ ಇನ್ಶೂರ್ ಮಾಡಿದ್ದೀರಾ ಎನಿಸುತ್ತದೆ’ ಎಂದು ರಾಹುಲ್ ತಮಾಷೆ ಮಾಡಿದ್ದಾರೆ. ಆದರೆ ನಿಜವಾಗಿ ನಡೆದಿದ್ದೇನು ಎಂಬುದನ್ನು ಕೊಹ್ಲಿ ಸ್ಪಷ್ಟನೆ ಕೊಟ್ಟ ಮೇಲೆಯೇ ಗೊತ್ತಾಗಬೇಕು. ಸೆಲೆಬ್ರಿಟಿಗಳು ತಮ್ಮ ದೇಹದ ಅಂಗಾಂಗಳಿಗೆ ಇನ್ಶೂರ್ ಮಾಡುವುದು ವಿದೇಶದಲ್ಲಿ ಸಾಮಾನ್ಯ. ಆದರೆ ಕೊಹ್ಲಿ ನಿಜವಾಗಿಯೂ ಈ ರೀತಿ ಮಾಡಿದ್ದಾರಾ ಎಂದು ಗೊತ್ತಾಗಿಲ್ಲ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.