ಕೆಲವೇ ದಿನ ಮುಂಬೈನಲ್ಲಿದ್ದು ಪತ್ನಿ, ಮಕ್ಕಳ ಜೊತೆ ವಿರಾಟ್ ಕೊಹ್ಲಿ ಹೋಗಿದ್ದು ಈ ದೇಶಕ್ಕೆ

ಸಿಡ್ನಿ: ಮುಂಬೈನಲ್ಲಿ ಕೆಲವು ದಿನ ತಂಗಿದ್ದ ಟೀಂ ಇಂಡಿಯಾ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮತ್ತೆ ಪತ್ನಿ, ಮಕ್ಕಳ  ಜೊತೆ ವಿದೇಶ ಪ್ರಯಾಣ ಬೆಳೆಸಿದ್ದರು. ಅವರೀಗ ಎಲ್ಲಿಗೆ ಹೋಗಿದ್ದಾರೆ ಎನ್ನುವುದು ಖಚಿತವಾಗಿದೆ.

ನವಂಬರ್ 26 ರಿಂದ ಆಸ್ಟ್ರೇಲಿಯಾ ವಿರುದ್ಧ ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿ ಆರಂಭವಾಗಲಿದೆ. ಈ ಸರಣಿ ಭಾರತದ ಪಾಲಿಗೆ ಮಹತ್ವದ್ದಾಗಿದೆ. ಇತ್ತೀಚೆಗೆ ಲಂಡನ್ ನಿವಾಸಿಯಾಗಿರುವ ವಿರಾಟ್ ಕೊಹ್ಲಿ ಬ್ಯಾಟಿಂಗ್ ನಲ್ಲಿ ಕಳೆಗುಂದಿದ್ದಾರೆ. ಈ ಕಾರಣಕ್ಕೆ ಈ ಸರಣಿಯಲ್ಲಾದರೂ ಅವರು ಫಾರ್ಮ್ ಗೆ ಬರಲಿ ಎಂದು ಜನ ಆಶಿಸುತ್ತಿದ್ದಾರೆ.

ಇದೀಗ ವಿರಾಟ್ ಕೊಹ್ಲಿ ಎಲ್ಲರಿಗಿಂತ ಮೊದಲೇ ಆಸ್ಟ್ರೇಲಿಯಾಗೆ ಬಂದು ತಲುಪಿದ್ದಾರೆ. ಟೀಂ ಇಂಡಿಯಾ ಎ ತಂಡ ಈಗಾಗಲೇ ಆಸ್ಟ್ರೇಲಿಯಾ ಎ ತಂಡದ ಜೊತೆಗೆ ಎರಡು ಟೆಸ್ಟ್ ಪಂದ್ಯವಾಡಿದ್ದು ಎರಡರಲ್ಲೂ ಸೋಲು ಅನುಭವಿಸಿದೆ. ಈ ಸರಣಿಯಲ್ಲಿ ಕೆಎಲ್ ರಾಹುಲ್ ರಂತಹ ಟೆಸ್ಟ್ ತಂಡದ ಆಟಗಾರರಿದ್ದರು.

ಇದೀಗ ಸೀನಿಯರ್ ಆಟಗಾರರ ಪೈಕಿ ವಿರಾಟ್ ಕೊಹ್ಲಿ ಮೊದಲನೆಯವರಾಗಿ ಆಸ್ಟ್ರೇಲಿಯಾಗೆ ತಲುಪಿದ್ದಾರೆ. ವಿರಾಟ್ ಕೊಹ್ಲಿ ಜೊತೆಗೇ ಇತರೆ ಟೀಂ ಇಂಡಿಯಾ ಆಟಗಾರರೂ ಆಸ್ಟ್ರೇಲಿಯಾಗೆ ಬಂದಿಳಿಯಲಿದ್ದಾರೆ. ರೋಹಿತ್ ಶರ್ಮಾ ತಡವಾಗಿ ತಂಡವನ್ನು ಕೂಡಿಕೊಳ್ಳಲಿದ್ದಾರೆ.