ಲಂಡನ್: ಶಿಖರ್ ಧವನ್ ಗಾಯದ ಕಾರಣದಿಂದ ವಿಶ್ವಕಪ್ ನಿಂದ ಹೊರಬಿದ್ದ ಸುದ್ದಿ ತಿಳಿಯುತ್ತಿದ್ದಂತೇ ಅಭಿಮಾನಿಗಳು ಶಾಕ್ ಆಗಬಹುದು ಎಂದುಕೊಂಡರೆ ಟ್ವಿಟರ್ ನಲ್ಲಿ ಇದನ್ನೇ ತಮಾಷೆ ಮಾಡಲು ವೇದಿಕೆಯಾಗಿ ಬಳಸಿಕೊಂಡಿದ್ದಾರೆ.
ಧವನ್ ಸ್ಥಾನಕ್ಕೆ ಯಾರು ಟೀಂ ಇಂಡಿಯಾಗೆ ಆಯ್ಕೆಯಾಗಬಹುದು ಎಂಬ ವಿಚಾರವನ್ನೇ ಇಟ್ಟುಕೊಂಡು ಟ್ವಿಟರಿಗರು ಮೆಮೆ ಮೂಲಕ ತಮಾಷೆ ಮಾಡುತ್ತಿದ್ದಾರೆ.
ಲಗಾನ್ ಸಿನಿಮಾದಲ್ಲಿ ಅಮೀರ್ ಖಾನ್ ತನ್ನ ಸಂಗಡಿಗರೊಂದಿಗೆ ಕುತೂಹಲದಿಂದ ನೋಡುತ್ತಿರುವ ಫೋಟೋ ಹಾಕಿ ಈಗ ಬಿಸಿಸಿಐ ಕಚೇರಿ ಹೊರಗಡೆ ಮನೀಶ್ ಪಾಂಡೆ, ರಿಷಬ್ ಪಂತ್ ಹೀಗೆ ಕಾಯ್ತಿರಬಹುದು ಎಂದು ತಮಾಷೆ ಮಾಡಿದ್ದಾರೆ.
ಮತ್ತೆ ಕೆಲವರು ಸರತಿ ಸಾಲಿನಲ್ಲಿ ಕ್ರಿಕೆಟಿಗರು ನಿಂತಿರುವ ಫೋಟೋ ಹಾಕಿ ಧವನ್ ಸ್ಥಾನಕ್ಕೆ ತಾವು ಆಯ್ಕೆಯಾಗಬಹುದು ಎಂದು ಕಾಯ್ತಿರುವ ಆಟಗಾರರನ್ನು ನೋಡಿ ಎಂದು ಲೇವಡಿ ಮಾಡಿದ್ದಾರೆ. ಮತ್ತೆ ಕೆಲವರು ಹೇಗಿದ್ದರೂ ಯುವರಾಜ್ ಸಿಂಗ್ ಗೆ ವಿದಾಯ ಪಂದ್ಯ ಆಡಬೇಕು ಎಂದು ಆಸೆಯಿತ್ತಲ್ವಾ? ಈಗಲೇ ಅವರನ್ನು ತಂಡಕ್ಕೆ ಕರೆಸಿ ಕೆಎಲ್ ರಾಹುಲ್ ರನ್ನು ಆರಂಭಿಕರಾಗಿ ಮಾಡಿ ಯುವಿಗೆ ನಾಲ್ಕನೇ ಕ್ರಮಾಂಕದಲ್ಲಿ ಆಡಲು ಅವಕಾಶ ಕೊಡಬಹುದು ಎಂದು ತಮಾಷೆ ಮಾಡಿದ್ದಾರೆ.