ರಾಹುಲ್ ದ್ರಾವಿಡ್ ಆಯ್ತು, ಈಗ ಗಂಗೂಲಿಗೂ ಸ್ವಹಿತಾಸಕ್ತಿ ಸಂಕಟ

ಮುಂಬೈ: ಬಿಸಿಸಿಐ ಅಧ್ಯಕ್ಷರಾದರೇನಂತೆ? ಸೌರವ್ ಗಂಗೂಲಿಗೂ ಸ್ವಹಿತಾಸಕ್ತಿ ಸಂಘರ್ಷ ಸಂಕಟ ಮತ್ತೆ ಸುತ್ತಿಕೊಂಡಿದೆ. ಈಗಾಗಲೇ ಈ ವಿಚಾರದಲ್ಲಿ ರಾಹುಲ್ ದ್ರಾವಿಡ್ ವಿಚಾರಣೆ ಎದುರಿಸಿದ್ದಾರೆ.

ದ್ರಾವಿಡ್ ಗೂ ಮೊದಲು ಗಂಗೂಲಿಗೆ ಈ ವಿಚಾರದಲ್ಲಿ ಬಿಸಿಸಿಐ ಸ್ವತಂತ್ರ ತನಿಖಾಧಿಕಾರಿಗಳು ನೋಟಿಸ್ ನೀಡಿದ್ದರು. ಇದೀಗ ಅಧ್ಯಕ್ಷರಾದ ಮೇಲೂ ಆ ಸಂಕಟ ಗಂಗೂಲಿಯನ್ನು ಬಿಟ್ಟುಹೋಗಿಲ್ಲ.

ಗಂಗೂಲಿ  ಕ್ರಿಕೆಟ್ ಫ್ಯಾಂಟಸಿ ಗೇಮ್ ನಲ್ಲಿ ಸ್ವ ಹಿತಾಸಕ್ತಿ ಹುದ್ದೆ ಸಂಘರ್ಷಕ್ಕೆಡೆ ಮಾಡುತ್ತದೆ ಎನ್ನುವುದು ಆರೋಪ. ಫ್ಯಾಂಟಸಿ ಲೀಗ್ ಬಗ್ಗೆ ಗಂಗೂಲಿ ಟ್ವೀಟ್ ಮಾಡಿದ್ದಕ್ಕೆ ನೆಟ್ಟಿಗರೊಬ್ಬರು ಬಿಸಿಸಿಐ ಅಧ‍್ಯಕ್ಷರಾಗಿದ್ದುಕೊಂಡು ಗಂಗೂಲಿ ಇಂತಹ ಕಾರ್ಯಕ್ರಮವನ್ನು ಪ್ರಮೋಟ್ ಮಾಡಲು ಹೇಗೆ ಸಾಧ್ಯ ಎಂದಿದ್ದರು. ಇದೇ ವಿಚಾರ ಈಗ ಗಂಗೂಲಿಯನ್ನು ಸಂಕಷ್ಟಕ್ಕೀಡುಮಾಡಲಿದೆ.