ಧವನ್ ಸ್ಫೋಟಕ ಶತಕ, ಪೂಜಾರ ತಾಳ್ಮೆಯ ಸೆಂಚುರಿ: ಗಾಲೆ ಟೆಸ್ಟ್`ನಲ್ಲಿ ಭಾರತ ಮೇಲುಗೈ

ಗಾಲೆಯಲ್ಲಿ ನಡೆಯುತ್ತಿರುವ ಶ್ರೀಲಂಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದ ಮೊದಲ ದಿನದಾಟದಲ್ಲಿ ಭಾರತ ತಂಡ ಮೇಲುಗೈ ಸಾಧಿಸಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ ಶ್ರನಾಯಕ ವಿರಾಟ್ ಕೊಹ್ಲಿ ತೀರ್ಮಾನವನ್ನ ಸಮರ್ಥಿಸುವಂತೆ ಬ್ಯಾಟಿಂಗ್ ಮಾಡಿದ ಆರಂಭಿಕರು ಶ್ರೀಲಂಕಾ ಬೌಲರ್`ಗಳನ್ನ ದಂಡಿಸಿದರು. ಏಕದಿನ ಕ್ರಿಕೆಟ್`ನಂತೆ ಆಡಿದ ಶಿಖರ್ ಧವನ್ ಕೇವಲ 168 ಎಸೆತಗಳಲ್ಲಿ  ಸ್ಫೋಟಕ 30 ರನ್ ಸಿಡಿಸಿದರು. ಇದರಲ್ಲಿ ಭರ್ಜರಿ 30 ಬೌಂಡರಿಗಳಿದ್ದವು.

ಯುವ ಕ್ರಿಕೆಟಿಗ ಮುಕುಂದ್ ಔಟಾದ ಬಳಿಕ ಧವನ್ ಜೊತೆ ಸೇರಿಕೊಂಡ ಚೇತೇಶ್ವರ್ ಪೂಜಾರ ತಾಳ್ಮೆಯ ಆಟವಾಡಿದರು. ಧವನ್`ಗೆ ಉತ್ತಮ ಸಾಥ್ ನೀಡಿದ ಪೂಜಾರ ಸಹ 144 ರನ್ ಸಿಡಿಸಿ 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಮೊದಲ ದಿನದಾಟದಂತ್ಯಕ್ಕೆ ಭಾರತ 3 ವಿಕೆಟ್ ನಷ್ಟಕ್ಕೆ 399 ರನ್ ಕಲೆಹಾಕಿದೆ. 144 ರನ್ ಗಳಿಸಿರುವ ಪೂಜಾರ ಮತ್ತು 39 ರನ್ ಗಳಿಸಿರುವ ಅಜಿಂಕ್ಯ ರಹಾನೆ ಕ್ರೀಸ್`ನಲ್ಲಿದ್ದಾರೆ.

ಸಂಕ್ಷಿಪ್ತ ಸ್ಕೋರ್:
ಭಾರತ ಮೊದಲ ದಿನದಾಟದಂತ್ಯಕ್ಕೆ ಭಾರತ 399/3
ಶಿಖರ್ ಧವನ್: 190 ರನ್
ಚೇತೇಶ್ವರ್ ಪೂಜಾರ ಔಟಾಗದೇ: 144 ರನ್
ಅಜಿಂಕ್ಯ ರಹಾನೆ ಔಟಾಗದೇ: 39 ರನ್

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ