ಪಾಕಿಸ್ತಾನ ಕ್ರಿಕೆಟ್‌ನಲ್ಲಿ ಆಟಗಾರರ ಗುಣಮಟ್ಟ ಕಳಪೆ: ಬಾಯಿಬಿಟ್ಟ ಅಫ್ರಿದಿ

ಪಾಕಿಸ್ತಾನದ ಕ್ರಿಕೆಟ್ ಆಡಳಿತ ಮಂಡಳಿ ಸದಸ್ಯರಿಗೆ ಮಾತ್ರವಲ್ಲದೇ ತಂಡದ ಆಟಗಾರರನ್ನು ಕುರಿತು ಕೆಲವು ಕಠಿಣ ಪದಗಳನ್ನು ಹಿರಿಯ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ಪ್ರಯೋಗಿಸಿದ್ದಾರೆ. ಬಿಬಿಸಿ ಉರ್ದುಗೆ ನೀಡಿದ ಸಂದರ್ಶನದಲ್ಲಿ ಮಾಜಿ ನಾಯಕ ದೇಶದಲ್ಲಿ ಕ್ರಿಕೆಟ್ ಸ್ಥಿತಿಗತಿಯನ್ನು ಪ್ರಾಮಾಣಿಕ ರೀತಿಯಲ್ಲಿ ವರ್ಣಿಸಿದರು. ತಾವು ತಂಡದಲ್ಲಿರುವ ಆಟಗಾರರಿಗಿಂತ ಉತ್ತಮ ಎಂದು ಭಾವಿಸಿದ್ದರಿಂದ ಐಸಿಸಿ ವಿಶ್ವ ಟಿ 20 ಬಳಿಕ ತಾವು ನಿವೃತ್ತರಾಗಲಿಲ್ಲ ಎಂದು ಅಫ್ರಿದಿ ಹೇಳಿದರು.

 ತಾವು ಸಮರ್ಥ ತಂಡವನ್ನು ಹಿಂದೆ ಬಿಟ್ಟು ಹೋಗಬೇಕೆಂದು ಬಯಸಿದ್ದೆ. ಆದರೆ ಈಗ ಬರುತ್ತಿರುವ ಆಟಗಾರರನ್ನು ಗಮನಿಸಿದರೆ, ತಂಡದಲ್ಲಿ ತಾವು ಖಂಡಿತವಾಗಿ ಸ್ಥಾನ ಪಡೆಯಲು ಸಮರ್ಥನೆಂದು ಭಾವಿಸಿದ್ದಾಗಿ ಅಫ್ರಿದಿ ಹೇಳಿದರು. ಪಾಕಿಸ್ತಾನದ ತಂಡ ವಿಪುಲ ಪ್ರತಿಭಾಶಾಲಿಗಳಿಂದ ಕೂಡಿದೆ ಎಂಬ ಮಾತು ನಿಜವಲ್ಲ ಎಂದು ಆಲ್‌ರೌಂಡರ್ ಬಾಯಿಬಿಟ್ಟರು.

ಪಾಕಿಸ್ತಾನ ಕ್ರಿಕೆಟ್‌ನಲ್ಲಿ ಆಟಗಾರರ ಗುಣಮಟ್ಟ ಅಂತಾರಾಷ್ಟ್ರೀಯ ಮಾನದಂಡಕ್ಕೆ ಹೋಲಿಕೆಯಾಗುವುದಿಲ್ಲ ಎಂದೂ ಅಫ್ರಿದಿ ಹೇಳಿದರು. ನಾನು ಇನ್ನಷ್ಟು ಹೇಳಬೇಕೆಂದು ಬಯಸಿದ್ದೆ. ಆದರೆ ಪಾಕ್ ಮಂಡಳಿ ಜತೆ ಗುತ್ತಿಗೆ ಹಿನ್ನೆಲೆಯಲ್ಲಿ ಸಂಯಮ ಕಾಯ್ದುಕೊಂಡಿದ್ದೇನೆ ಎಂದು ಎಂದು ಅಫ್ರಿದಿ ಹೇಳಿದರು. ಆದರೆ ನಿವೃತ್ತಿಯಾದ ಬಳಿಕ ದೇಶದಲ್ಲಿ ಎಷ್ಟು ಕೆಟ್ಟದಾಗಿ ಕ್ರೀಡೆಯನ್ನು ನಿರ್ವಹಿಸಲಾಗುತ್ತಿದೆಯೆಂಬ ಕುರಿತು ಎಲ್ಲವನ್ನೂ ಬಿಚ್ಚಿಡುವುದಾಗಿ ಅಫ್ರಿದಿ ಭರವಸೆ ನೀಡಿದರು. 

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.