ಹೊಸ ದಾಖಲೆ ಬರೆಯಲು ಸಜ್ಜಾದ ರೋಹಿತ್ ಶರ್ಮಾ

ಬೆಂಗಳೂರು: ಶ್ರೀಲಂಕಾ ವಿರುದ್ಧ ಎರಡನೇ ಟೆಸ್ಟ್ ಆಡಲಿಳಿಯುತ್ತಿರುವ ನಾಯಕ ರೋಹಿತ್ ಶರ್ಮಾ ಹೊಸ ದಾಖಲೆ ಬರೆಯಲಿದ್ದಾರೆ.

ರೋಹಿತ್ ಈ ಪಂದ್ಯದ ಮೂಲಕ 400 ಅಂತಾರಾಷ್ಟ್ರೀಯ ಪಂದ್ಯವಾಡಿದ ದಾಖಲೆ ಮಾಡಲಿದ್ದಾರೆ. ರೋಹಿತ್ ಇದುವರೆಗೆ 44 ಟೆಸ್ಟ್, 230 ಏಕದಿನ ಮತ್ತು 125 ಟಿ20 ಪಂದ್ಯವಾಡಿದ್ದಾರೆ.

ಈ ಮೂಲಕ 400 ಅಂತಾರಾಷ್ಟ್ರೀಯ ಪಂದ್ಯವಾಡಿದ ಅಪರೂಪದ ದಾಖಲೆ ಮಾಡಲಿದ್ದಾರೆ. ಸಚಿನ್ ತೆಂಡುಲ್ಕರ್, ರಾಹುಲ್ ದ್ರಾವಿಡ್, ಧೋನಿ, ಮೊಹಮ್ಮದ್ ಅಜರುದ್ದೀನ್, ಗಂಗೂಲಿ, ವಿರಾಟ್ ಕೊಹ್ಲಿ 400 ಪ್ಲಸ್ ಪಂದ್ಯವಾಡಿದ್ದಾರೆ. ಅವರ ಸಾಲಿಗೆ ರೋಹಿತ್ ಸೇರಿದ್ದಾರೆ.