ಮುಂಬೈ:ಇಂಡಿಯನ್‌ ಪ್ರಿಮಿಯರ್‌ ಲೀಗ್‌ನ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್ ಟ್ರೋಫಿಯನ್ನು ಮೂರುಬಾರಿ ಮುಡಿಗೇರಿಸಿಕೊಂಡ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಮಹತ್ವದ ಗಿಫ್ಟ್ ಒಂದು ದೊರೆತಿದೆ. ಅದೇ ಜಗತ್ತಿನ ಅತ್ಯಂತ ಪ್ರಮುಖವಾದ WWE ಚಾಂಪಿಯನ್ ಶಿಪ್ ಬೆಲ್ಟ್ ಧರಿಸುವ ಭಾಗ್ಯ.
ಹೌದು. WWE ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿರುವ ಟ್ರಿಪಲ್ ಹೆಚ್, ಮುಂಬೈ ಇಂದಿಯನ್ಸ್ ನಾಯಕ ರೋಹಿತ್ ಶರ್ಮಾ ಹಾಗೂ ಮತ್ತವರ ತಂಡಕ್ಕೆ ವಿಶೇಷವಾಗಿ ವಿನ್ಯಾಸಗೊಳಿಸಿರುವ WWE ಚಾಂಪಿಯನ್ ಶಿಪ್ ಬೆಲ್ಟ್ ಉಡುಗೊರೆಯಾಗಿ ನೀಡಿದ್ದಾರೆ.
ಈ ಬೆಲ್ಟ್ ನಲ್ಲಿ ಮುಂಬೈ ಇಂಡಿಯನ್ಸ್ ಮುದ್ರೆಯನ್ನೂ ಒತ್ತಲಾಗಿರುವುದು ವಿಶೇಷ. ಮೂರನೆ ಬಾರಿ ಮುಂಬೈ ಇಂಡಿಯನ್ಸ್ ಕಿರೀಟವನ್ನು ಮುಡಿಗೇರಿಸಿಕೊಂಡಾಗ ವಿಶೇಷ ಸಂದೇಶ ರವಾನಿಸಿದ್ದ ಟ್ರಿಪಲ್ ಹೆಚ್ ವಿಶೇಷ ಉಡುಗೊರೆ ನೀಡುವುದಾಗಿ ಘೋಷಿಸಿದ್ದರು. ಅಂತೆಯೇ ಈಗ ಈ ವಿಷೇಷ ಉಡುಗೊರೆ ನೀಡಿದ್ದಾರೆ.