ತಿರುವನಂತಪುರಂ: ದ.ಆಫ್ರಿಕಾ ವಿರುದ್ಧ ಗೆಲುವಿನ ಬಳಿಕ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಬಾಲ ಅಭಿಮಾನಿಗಳ ಬಯಕೆ ಈಡೇರಿಸಿದ್ದಾರೆ.
ತಿರುವನಂತಪುರಂ ಮೈದಾನದಲ್ಲಿ ನಿನ್ನೆ ಪಂದ್ಯ ನೋಡಲು ಅಭಿಮಾನಿಗಳ ದಂಡೇ ಹರಿದುಬಂದಿತ್ತು. ಶಾಲಾ ಬಾಲಕರ ಗುಂಪೊಂದು ಬೌಂಡರಿ ಗೆರೆ ಬಳಿಯೇ ನಿಂತು ಭಾರತೀಯ ಆಟಗಾರರ ಆಟೋಗ್ರಾಫ್ ಗಾಗಿ ಕಾದು ನಿಂತಿತ್ತು.
ಪಂದ್ಯದ ಬಳಿಕ ಈ ಹುಡುಗರ ಬಳಿ ತೆರಳಿದ ರೋಹಿತ್ ಶರ್ಮಾ ಪ್ರತಿಯೊಬ್ಬರಿಗೂ ಆಟೋಗ್ರಾಫ್ ನೀಡುವ ಮೂಲಕ ಖುಷಿ ನೀಡಿದರು.
