ವೃದ್ಧಿಮಾನ್ ಸಹಾ ಕ್ಯಾಚ್ ಗೆ ರಿಷಬ್ ಪಂತ್ ಟೀಂ ಇಂಡಿಯಾದಿಂದಲೇ ಔಟ್!

ಪುಣೆ: ಫಾರ್ಮ್ ಕೊರತೆಯಿಂದಾಗಿ ಭಾರತ ಮತ್ತು ದ.ಆಫ್ರಿಕಾ ನಡುವಿನ ಟೆಸ್ಟ್ ಸರಣಿಯಲ್ಲಿ ಅವಕಾಶ ಕಳೆದುಕೊಂಡಿದ್ದ ಯುವ ವಿಕೆಟ್ ಕೀಪರ್ ರಿಷಬ್ ಪಂತ್ ಈಗ ಟೆಸ್ಟ್ ತಂಡಕ್ಕೆ ಸದ್ಯಕ್ಕೆ ಒಳಬರುವ ಛಾನ್ಸೇ ಇಲ್ಲದಾಗಿದೆ.

ಇದಕ್ಕೆ ಕಾರಣ ವೃದ್ಧಿಮಾನ್ ಸಹಾ! ಆಫ್ರಿಕಾ ವಿರುದ್ದದ ಸರಣಿಯಲ್ಲಿ ಮತ್ತೆ ತಂಡಕ್ಕೆ ಕಮ್ ಬ್ಯಾಕ್ ಮಾಡಿದ ಸಹಾ ಬ್ಯಾಟ್ ಮತ್ತು ವಿಕೆಟ್ ಕೀಪಿಂಗ್ ಎರಡರಲ್ಲೂ ಅದ್ಭುತ ಪ್ರದರ್ಶನ ನೀಡಿದ್ದಾರೆ.

ಅದರಲ್ಲೂ ವಿಶೇಷವಾಗಿ ರವಿಚಂದ್ರನ್ ಅಶ್ವಿನ್ ಬೌಲಿಂಗ್ ನಲ್ಲಿ ಫಾ ಡು ಪ್ಲೆಸಿಸ್ ನೀಡಿದ ಕ್ಯಾಚ್ ನ್ನು ಹಾರಿ ಹಿಡಿದ ಸಹಾ ಬಗೆಯಂತೂ ಅಭಿಮಾನಿಗಳಿಗೆ ಭಾರೀ ಇಷ್ಟವಾಗಿದೆ. ಹೀಗಾಗಿಯೇ ಟ್ವಿಟರ್ ನಲ್ಲಿ ಅಭಿಮಾನಿಗಳು ರಿಷಬ್ ಪಂತ್ ಕಾಲೆಳೆದಿದ್ದು, ಆ ಒಂದು ಕ್ಯಾಚೇ ನಿಮ್ಮನ್ನು ತಂಡದಿಂದ ಹೊರ ಹಾಕಿತು ಎನ್ನುತ್ತಿದ್ದಾರೆ. ಇನ್ನು ಕೆಲವರು ಸಹಾ ಟೀಂ ಇಂಡಿಯಾ ನಂ.1 ಕೀಪರ್. ಅವರಿದ್ದ ಮೇಲೆ ಇನ್ನು ರಿಷಬ್ ಗೆ ಕೆಲಸವಿಲ್ಲ ಎನ್ನುತ್ತಿದ್ದಾರೆ. ಅಂತೂ ಸದ್ಯಕ್ಕೆ ಟೆಸ್ಟ್ ತಂಡದಲ್ಲಿ ರಿಷಬ್ ಗೆ ಕಮ್ ಬ್ಯಾಕ್ ಮಾಡುವುದು ಕಷ್ಟ ಎನ್ನಬಹುದು.