ದುಬೈ: ಆಸ್ಟ್ರೇಲಿಯಾ ಟೆಸ್ಟ್ ಸರಣಿಯಲ್ಲಿ ಗೆಲುವಿನ ರೂವಾರಿಯಾಗಿದ್ದ ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ರಿಷಬ್ ಪಂತ್ ಐಸಿಸಿ ತಿಂಗಳ ಆಟಗಾರ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದಾರೆ.
ಇವರಲ್ಲದೆ ಇಂಗ್ಲೆಂಡ್ ನ ಜೋ ರೂಟ್, ಐರ್ಲೆಂಡ್ ತಂಡದ ಪೌಲ್ ಸ್ಪರ್ಲಿಂಗ್ ಕೂಡಾ ನಾಮನಿರ್ದೇಶನಗೊಂಡಿದ್ದಾರೆ. ಈ ಮೂವರಲ್ಲಿ ಅತ್ಯುತ್ತಮ ಸಾಧನೆ ನೀಡಿದವರನ್ನು ಆಯ್ಕೆ ಮಾಡಿ ಪ್ರಶಸ್ತಿ ನೀಡಲಾಗುತ್ತದೆ. ಮಹಿಳಾ ವಿಭಾಗದಲ್ಲಿ ಪಾಕಿಸ್ತಾನದ ಡಯಾನ ಬೇಗ್, ದ.ಆಫ್ರಿಕಾದ ಶಬ್ನಮ್ ಇಸ್ಮಾಯಿಲ್, ಮರಿಜಾನ್ ಕಾಪ್ ನಾಮನಿರ್ದೇಶನಗೊಂಡಿದ್ದಾರೆ.