ಡಬ್ಲ್ಯುಪಿಎಲ್ ಪಂದ್ಯದ ವೇಳೆ ಆರ್ ಸಿಬಿ ಸ್ಟಾರ್ ಶ್ರೇಯಾಂಕ ಪಾಟೀಲ್ ಗೆ ಮದುವೆ ಪ್ರಪೋಸಲ್

Photo Courtesy: Twitter

ಬೆಂಗಳೂರು: ಮಹಿಳಾ ಕ್ರಿಕೆಟ್ ನ ಹೊಸ ಕ್ರಶ್ ಕನ್ನಡತಿ ಶ್ರೇಯಾಂಕ ಪಾಟೀಲ್. ಡಬ್ಲ್ಯುಪಿಎಲ್ ಟೂರ್ನಿ ವೇಳೆ ಆರ್ ಸಿಬಿ ಆಟಗಾರ್ತಿ ಶ್ರೇಯಾಂಕ ಪಾಟೀಲ್ ಗೆ ಅಭಿಮಾನಿಯೊಬ್ಬ ಮದುವೆ ಮಾಡಿಕೊಳ್ಳುವಂತೆ ಪ್ರಪೋಸ್ ಮಾಡಿದ್ದಾನೆ.

ಚಿನ್ನಸ್ವಾಮಿ ಮೈದಾನದಲ್ಲಿ ನಿನ್ನೆ ಗುಜರಾತ್ ಜೈಂಟ್ಸ್‍ ತಂಡದ ವಿರುದ್ಧ ಆರ್ ಸಿಬಿ ಪಂದ್ಯವಿತ್ತು. ಈ  ವೇಳೆ ಸಾಕಷ್ಟು ಸಂಖ್ಯೆಯಲ್ಲಿ ಅಭಿಮಾನಿಗಳು ಪಂದ್ಯ ನೋಡಲು ಸೇರಿದ್ದರು. ಇವರ ಮಧ್ಯೆ ಆರ್ ಸಿಬಿ ಜೆರ್ಸಿ ತೊಟ್ಟಿದ್ದ ಅಭಿಮಾನಿ ಯುವಕನೊಬ್ಬ ಶ್ರೇಯಾಂಕ ಪಾಟೀಲ್ ಗೆ ಪ್ರಪೋಸ್ ಮಾಡಿದ್ದಾನೆ.

ಶ್ರೇಯಾಂಕ ಪಾಟೀಲ್ ‘ವಿಲ್ ಯೂ ಮ್ಯಾರೀ ಮೀ. ಫ‍್ರಂ ಉತ್ತರ ಕರ್ನಾಟಕ'’ ಎಂದು ಪೋಸ್ಟರ್ ಒಂದನ್ನು ಹಿಡಿದು ತೋರಿಸುತ್ತಿದ್ದ. ಈ ಯುವಕನ ಪೋಸ್ಟರ್ ಕಂಡ ಕ್ಯಾಮರಾ ಕಣ್ಣುಗಳು ಅತ್ತ ಫೋಕಸ್ ಮಾಡಿದ್ದವು. ಇದನ್ನು ಡಗ್ ಔಟ್ ನಲ್ಲಿ ಕುಳಿತಿದ್ದ ಆರ್ ಸಿಬಿ ಆಟಗಾರ್ತಿಯರೂ ಗಮನಿಸಿದ್ದಾರೆ. ಇಂತಹದ್ದೊಂದು ಪ್ರಪೋಸ್ ಪೋಸ್ಟರ್ ನೋಡಿ ಆರ್ ಸಿಬಿ ಆಟಗಾರ್ತಿಯರ ಮುಖದಲ್ಲಿ ನಗುವೋ ನಗು.

ಆರ್ ಸಿಬಿ ಪಂದ್ಯವೆಂದರೆ ಮೊದಲು ಸ್ಮೃತಿ ಮಂಧಾನಾ, ಎಲ್ಸಿ ಪೆರಿ ನೋಡಲೆಂದೇ ಜನ ಬರುತ್ತಿದ್ದರು. ಸ್ಮೃತಿ ಮಂಧಾನಾ ಎಲ್ಲರ ಕ್ರಶ್. ಆದರೆ ಇದೀಗ ಕ್ರಶ್ ಲಿಸ್ಟ್ ಗೆ ಅಪ್ಪಟ ಕನ್ನಡತಿ ಶ್ರೇಯಾಂಕ ಪಾಟೀಲ್ ಕೂಡಾ ಸೇರ್ಪಡೆಯಾಗಿದ್ದಾರೆ. ಅವರನ್ನೂ ಫಾಲೋ ಮಾಡುವ ಅಭಿಮಾನಿಗಳ ಬಳಗವೇ ಇದೆ ಎನ್ನುವುದಕ್ಕೆ ಈ ಘಟನೆಯೇ ಸಾಕ್ಷಿ.