ಏಕೈಕ ಮಾಂತ್ರಿಕ ಗೋಲಿನಿಂದ ಪೋರ್ಚುಗಲ್ ಹೀರೋ ಆದ ಎಡರ್

ಫ್ರಾನ್ಸ್ ವಿರುದ್ಧ ನಡೆದ ಯೂರೊ 16ರ ಫೈನಲ್ ಪಂದ್ಯದಲ್ಲಿ ಪೋರ್ಚು‌ಗಲ್‌ನ ಸ್ಟಾರ್ ಆಟಗಾರ ರೊನಾಲ್ಡೊ ಗಾಯದಿಂದಾಗಿ ಮೈದಾನದಿಂದ ಹೊರಬಿದ್ದಿದ್ದರು. ಪೋರ್ಚುಗಲ್‌ ಅಭಿಮಾನಿಗಳಿಗೆ ಪಂದ್ಯದಲ್ಲಿ ಗೆಲ್ಲುವ ಆಸೆ ಕಮರಿಹೋಗಿತ್ತು. ಆದರೆ ಅಷ್ಟರಲ್ಲಿ ಆಪದ್ಬಾಂಧವರಂತೆ ಆಗಮಿಸಿದ ಆಟಗಾರ ಎಡರ್ ಹೆಚ್ಚುವರಿ ಸಮಯದಲ್ಲಿ ಏಕೈಕ ಗೋಲು ಬಾರಿಸಿ ದಿನಬೆಳಗಾಗುವುದರಲ್ಲಿ ಸ್ಟಾರ್ ಆಟಗಾರನಾಗಿ ವಿಜೃಂಭಿಸಿದರು.

ಪೋರ್ಚುಗಲ್ ಹೀರೋ ಎಂಬ ಪಟ್ಟ ಅಲಂಕರಿಸಿದರು. ಇದಕ್ಕೆ ಮುಂಚೆ ತಂಡದ ಆಟಗಾರ ಎನ್ನುವುದನ್ನು ಬಿಟ್ಟರೆ ಅಷ್ಟೇನೂ ಹೆಸರು ಮಾಡಿರಲಿಲ್ಲ. ಆದರೆ ಅದೊಂದು ಮಾಂತ್ರಿಕ ಗೋಲು ಎಡೆರ್ ಅದೃಷ್ಟ ಕುಲಾಯಿಸುವಂತೆ ಮಾಡಿತು.

ಮಿಂಚಿನಂತೆ ಹೊಡೆದ ಚೆಂಡು ಗೋಲಿಯನ್ನು ವಂಚಿಸಿ ಗೋಲುಪೆಟ್ಟಿಗೆಯೊಳಗೆ ಹೋಗುತ್ತಿದ್ದಂತೆ ಪೋರ್ಚುಗಲ್ ಅಭಿಮಾನಿಗಳ ಹರ್ಷೋದ್ಗಾರ ಮುಗಿಲುಮುಟ್ಟಿತ್ತು.