ಭಾರತ-ವಿಂಡೀಸ್ ಟೆಸ್ಟ್: ಟೀಂ ಇಂಡಿಯಾದಲ್ಲಿ ಏಕೈಕ ಬದಲಾವಣೆ

ಪೋರ್ಟ್ ಆಫ್ ಸ್ಪೇನ್: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದ ಅತಿಥೇಯ ವಿಂಡೀಸ್ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದೆ.

ಕಳೆದ ಪಂದ್ಯವನ್ನು ಭಾರತ ಭಾರೀ ಅಂತರದಿಂದ ಗೆದ್ದುಕೊಂಡಿತ್ತು. ವಿಂಡೀಸ್ ಎಲ್ಲಾ ವಿಭಾಗದಲ್ಲೂ ವೈಫಲ್ಯ ಅನುಭವಿಸಿತ್ತು. ಹೀಗಾಗಿ ಈ ಪಂದ್ಯದಲ್ಲಿ ಶಾನನ್ ಬದಲಿಗೆ ಕಿರ್ಕ್ ಮೆಕೆಂಝಿಗೆ ಅವಕಾಶ ನೀಡಿದೆ.

ಇತ್ತ ಟೀಂ ಇಂಡಿಯಾದಲ್ಲೂ ಏಕೈಕ ಬದಲಾವಣೆಯಾಗಿದೆ. ಶಾರ್ಧೂಲ್ ಠಾಕೂರ್ ಸ್ಥಾನಕ್ಕೆ ವೇಗಿ ಮುಕೇಶ್ ಕುಮಾರ್ ಚೊಚ್ಚಲ ಪಂದ್ಯವಾಡುವ ಅವಕಾಶ ಪಡೆದಿದ್ದಾರೆ.