ಶ್ರೀಲಂಕಾ ವಿರುದ್ಧ ಸ್ಪಿನ್ ಪಿತೂರಿಗೆ ಆಸೀಸ್ ಕ್ಯಾಂಪ್‌ನಲ್ಲಿ ಮುರಳೀಧರನ್

ಶ್ರೀಲಂಕಾವನ್ನು ಅವರ ನೆಲದಲ್ಲೇ ಸೋಲಿಸುವುದಕ್ಕಾಗಿ  ಸ್ಥಳೀಯ ಸ್ಪಿನ್ ಗ್ರೇಟ್ ಮುತ್ತಯ್ಯ ಮುರಳೀಧರನ್ ಅವರನ್ನು ಸ್ಲೋ ಬೌಲರುಗಳ ನೆರವಿಗೆ ಆಸ್ಟ್ರೇಲಿಯಾ ನೇಮಿಸಿಕೊಂಡಿದೆ. ಈ ತಿಂಗಳಾಂತ್ಯದಲ್ಲಿ ಶ್ರೀಲಂಕಾ ವಿರುದ್ಧ ಮೂರು ಟೆಸ್ಟ್ ಸರಣಿ ನಡೆಯಲಿದ್ದು, ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತ್ಯಧಿಕ ವಿಕೆಟ್ ಗಳಿಸಿದ 44 ವರ್ಷದ ಆಫ್‌ಸ್ಪಿನ್ನರ್ 2014ರಲ್ಲಿ ಇದೇ ರೀತಿ ಆಸ್ಟ್ರೇಲಿಯಾ ಜತೆ ಅಲ್ಪಾವಧಿಯ ಮಾರ್ಗದರ್ಶಕರಾಗಿದ್ದರು.

ಮುರಳಿ ಶ್ರೀಲಂಕಾ ಜತೆ ತುಂಬಾ ಅನುಭವ ಹೊಂದಿದ್ದು, ಅವರು ಅಪಾ ವಿಕೆಟ್ ಕಬಳಿಸಿದ್ದಾರೆ. ಈ ಸರಣಿಯಲ್ಲಿ ನಮ್ಮ ಸ್ಪಿನ್ನರುಗಳಿಗೆ ನೆರವಾಗಲು ಸ್ಪಿನ್ ಒಳನೋಟಕ್ಕಾಗಿ ಅಂತಹವರ ಅಗತ್ಯವಿದೆ ಎಂದು ಆಸೀಸ್ ನಾಯಕ ಸ್ಟೀವ್ ಸ್ಮಿತ್ ಹೇಳಿದರು.

 ಆಸೀಸ್ ಸ್ಪಿನ್ನರುಗಳಾದ ನಾಥನ್ ಲಯನ್ ಮತ್ತು ಸ್ಟೀವ್ ಓಕೀಫೆ ಜತೆ ನೆಟ್‌ನಲ್ಲಿದ್ದ ಮುರಳೀಧರನ್, ಇಂತಹ ಅಲ್ಪಕಾಲೀನ ಕೆಲಸಕ್ಕೆ ತಾವು ಎದುರುನೋಡುತ್ತಿದ್ದು, ತಮ್ಮ ದೇಶದವರ ವಿರುದ್ಧವೇ ಸ್ಪಿನ್ ಕೈಚಳಕ ತೋರಿಸಲು ಪ್ರವಾಸಿ ತಂಡಕ್ಕೆ ನೆರವಾಗಲು ಯಾವುದೇ ಸಮಸ್ಯೆಯಿಲ್ಲ ಎಂದು ಹೇಳಿದರು. 

 ನಾನು ಶ್ರೀಲಂಕಾ ಕ್ರಿಕೆಟ್‌ನಲ್ಲಿ ಭಾಗಿಯಾಗಿಲ್ಲ. ಏಕೆಂದರೆ ಉಳಿದವರು ಭಾಗಿಯಾಗಿದ್ದಾರೆ ಎಂದು ತಮ್ಮ ಆಟದ ದಿನಗಳಲ್ಲಿ ಆಸ್ಟೇಲಿಯಾಕ್ಕೆ ಮಗ್ಗುಲ ಮುಳ್ಳಾಗಿದ್ದ ಮುರಳೀಧರನ್ ಹೇಳಿದರು.

ಆಸ್ಟ್ರೇಲಿಯಾ ನನಗೆ ಎರಡು ಬಾರಿ ಆಫರ್ ಮಾಡಿದೆ. ನಾವು ಇತರೆ ಆಟಗಾರರಿಗೆ ನನ್ನ ಸ್ಪಿನ್ ಜ್ಞಾನ ಧಾರೆಯೆರೆಯುತ್ತಿದ್ದು, ಇದು ನಮ್ಮ ದೇಶ ಅಥವಾ ಬೇರೆಯವರು ಎಂಬ ಭೇದಭಾವವಿಲ್ಲ ಎಂದು ಹೇಳಿದರು. ನಾನು ನನ್ನ ಕುಟುಂಬದ ಕಡೆ ಗಮನಹರಿಸುವುದು ಮುಖ್ಯವಾಗಿದೆ. ಆದ್ದರಿಂದ ನಾನು ಅಲ್ಪಾವಧಿಯ ಕೆಲಸಗಳನ್ನು ಕೈಗೆತ್ತಿಕೊಳ್ಳುತ್ತೇನೆ. ಇಂತಹ ಕಾರ್ಯಭಾರ ಶ್ರೀಲಂಕಾದಲ್ಲಿ ಲಭ್ಯವಿಲ್ಲ ಎಂದು ಮುರಳೀಧರನ್ ಹೇಳಿದರು.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.