ರಾಜಸ್ಥಾನದಲ್ಲಿ ಐಪಿಎಲ್ ಮಾದರಿ ಟ್ವೆಂಟಿ 20 ಟೂರ್ನಿ ನಡೆಸಲು ಲಲಿತ್ ಮೋದಿ ಯೋಜನೆ

ರಾಜಸ್ಥಾನ್ ಕ್ರಿಕೆಟ್ ಸಂಸ್ಥೆ ಅಧ್ಯಕ್ಷ ಮತ್ತು ಐಪಿಎಲ್ ಅನುಷ್ಟಾನದ ಹಿಂದಿನ ಮೆದುಳು ಲಲಿತ್ ಮೋದಿ ತವರು ರಾಜ್ಯದಲ್ಲಿ ಅದೇ ರೀತಿಯ ಲೀಗ್ ಆರಂಭಿಸಲು ಯೋಜಿಸಿದ್ದಾರೆ. ಮೋದಿ ಟ್ವೆಂಟಿ 20 ಟೂರ್ನಿಯನ್ನು ಆರಂಭಿಸಲು ಮಾತ್ರ ಯೋಜಿಸುತ್ತಿಲ್ಲ, ಅಂತಾರಾಷ್ಟ್ರೀಯ ಆಟಗಾರರನ್ನು ಆ ಟೂರ್ನಿಗೆ ತರುವ ಯೋಜನೆ ಹಾಕಿಕೊಂಡಿದ್ದಾರೆ.

ಆದರೆ ಮೋದಿ ಮತ್ತು ಬಿಸಿಸಿಐನ ಪ್ರಸಕ್ತ ಆಡಳಿತ ಮಂಡಳಿ ನಡುವೆ ಸೌಹಾರ್ದ ಸಂಬಂಧ ಇಲ್ಲದಿದ್ದರೂ ಸಹ ನೊ ಅಬ್ಜೆಕ್ಷನ್ ಪ್ರಮಾಣಪತ್ರ ಪಡೆಯಲು ಯಾವುದೇ ಅಡ್ಡಿಯನ್ನು ಲೀಗ್ ನಿರೀಕ್ಷಿಸಿಲ್ಲ. ಏಕೆಂದರೆ ತಮಿಳುನಾಡು ಮತ್ತು ಕರ್ನಾಟಕ ಈಗಾಗಲೇ ಇದೇ ರೀತಿಯ ಟ್ವೆಂಟಿ 20 ಲೀಗ್‌ಗಳನ್ನು ಆಯೋಜಿಸಿದೆ.

ಬಿಸಿಸಿಐ ಕೂಡ ಈ ಕುರಿತು ಸ್ಪಷ್ಟೀಕರಣ ನೀಡಿದ್ದು, ಟ್ವೆಂಟಿ 20 ಲೀಗ್ ಆರಂಭಕ್ಕೆ ಯಾವುದೇ ರಾಜ್ಯ ಕ್ರಿಕೆಟ್ ಸಂಸ್ಥೆಗೆ ನಾವು ಅಡ್ಡಿ ಮಾಡುವುದಿಲ್ಲ. ಆದರೆ ಅದರ ಮಾರ್ಗದರ್ಶಕಗಳಲ್ಲಿ ಇಂತಹ ಸಂಸ್ಥೆಗಳು ಅವರದ್ದೇ ರಾಜ್ಯದ ಆಟಗಾರರಿಗೆ ಮಾತ್ರ ಅವಕಾಶ ನೀಡಬೇಕು. ಆದರೆ ಬೇರೆ ರಾಜ್ಯಗಳ ಅಥವಾ ದೇಶಗಳ ಪ್ರತಿಭಾಶಾಲಿ ಆಟಗಾರರನ್ನು ಆಡಿಸಬಾರದು ಎಂದು ಸ್ಪಷ್ಟವಾಗಿ ತಿಳಿಸಿದೆ.

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.