ರಾಹುಲ್, ಕೊಹ್ಲಿ, ಜಡೇಜಾ ಅರ್ಧಶತಕ: ಭಾರತ 364 ರನ್

ಕೆ.ಎಲ್. ರಾಹುಲ್ ಮತ್ತು ನಾಯಕ ವಿರಾಟ್ ಕೊಹ್ಲಿ ಹಾಗೂ ರವೀಂದ್ರ ಜಡೇಜಾ ಅವರ ಅರ್ಧಶತಕಗಳ ನೆರವಿನಿಂದ ಭಾರತ ಡಬ್ಲ್ಯುಐಸಿಬಿ ಅಧ್ಯಕ್ಷರ ಇಲೆವನ್ ಎರಡನೇ ಅಭ್ಯಾಸ ಪಂದ್ಯದ 2ನೇ ದಿನ ಉತ್ತಮ ಸ್ಥಿತಿಯಲ್ಲಿದೆ. ವೆಸ್ಟ್ ಇಂಡೀಸ್  ಮೊದಲ ಇನ್ನಿಂಗ್ಸ್180 ರನ್ ಸ್ಕೋರಿಗೆ ಉತ್ತರವಾಗಿ ಮೊದಲ ಇನ್ನಿಂಗ್ಸ್‌ನಲ್ಲಿ 364 ರನ್ ಸ್ಕೋರ್ ಕಲೆಹಾಕಿರುವ ಭಾರತ, ಅಧ್ಯಕ್ಷರ ಇಲೆವನ್ ಎರಡನೇ ಇನ್ನಿಂಗ್ಸ್‌ನಲ್ಲಿ 26ಕ್ಕೆ ಒಂದು ವಿಕೆಟ್ ಉರುಳಿಸಿದೆ. ದಿನದ ಕೊನೆಯ ಎಸೆತದಲ್ಲಿ ಅಶ್ವಿನ್ ಲಿಯಾನ್ ಜಾನ್ಸನ್ ಅವರನ್ನು ಔಟ್ ಮಾಡಿದರು.

ಇದಕ್ಕೆ ಮುಂಚೆ 93ಕ್ಕೆ 3 ವಿಕೆಟ್‌ಗಳೊಂದಿಗೆ ದಿನದಾಟ ಮುಂದುವರಿಸಿದ ಟೀಂ ಇಂಡಿಯಾ ಪರ ರಾಹುಲ್ ಮತ್ತು ಕೊಹ್ಲಿ ಮೊದಲ ಸೆಷನ್‌ನಲ್ಲಿ 88 ರನ್ ಸೇರಿಸಿದರು. ಅರ್ಧಶತಕ ಸ್ಕೋರ್ ಮಾಡಿದ ಕೊಹ್ಲಿ ಲಂಚ್ ಬಳಿಕ ಔಟಾದರು. ರಹಾನೆ ಚೆನ್ನಾಗಿ ಆಡುವಂತೆ ಕಂಡುಬಂದರೂ 32 ರನ್‌ಗಳಾಗಿದ್ದಾಗ ರಕೀಮ್ ಕಾರ್ನ್ವಾಲ್ ಎಸೆತಕ್ಕೆ ಔಟಾದರು. ಅಧ್ಯಕ್ಷರ ಇಲೆವನ್ ತಂಡವನ್ನು 180ಕ್ಕೆ ಆಲೌಟ್ ಮಾಡುವಲ್ಲಿ ಕಾರಣಕರ್ತರಾದ ಜಡೇಜಾ 56 ರನ್ ಸಿಡಿಸಿದರು. ಭಾರತ ಮೊದಲ ಇನ್ನಿಂಗ್ಸ್‌ನಲ್ಲಿ 184 ರನ್ ಲೀಡ್ ಗಳಿಸಿದೆ.

ಸ್ಕೋರು ವಿವರ: 

ವೆಸ್ಟ್ ಇಂಡೀಸ್ ಮೊದಲ ಇನ್ನಿಂಗ್ಸ್- 180 ರನ್ ಆಲೌಟ್

ಭಾರತ ಮೊದಲ ಇನ್ನಿಂಗ್ಸ್ ಬ್ಯಾಟಿಂಗ್: 364ಕ್ಕೆ ಆಲೌಟ್ 

ಮುರಳಿ ವಿಜಯ್: 23 ರನ್, ಲೋಕೇಶ್ ರಾಹುಲ್ 64 ರನ್, ವಿರಾಟ್ ಕೊಹ್ಲಿ 51 ರನ್, ರಹಾನೆ 32 ರನ್, ವೃದ್ದಿಮಾನ್ ಸಹಾ 31 ರನ್,  ರವೀಂದ್ರ ಜಡೇಜಾ: 56 ರನ್

 ವೆಸ್ಟ್ ಇಂಡೀಸ್ ಬೌಲಿಂಗ್ ವಿವರ: 

ಹೋಲ್ಡರ್ 1 ವಿಕೆಟ್, ಜಾಸನ್ ಡೇವ್ಸ್ 1 ವಿಕೆಟ್, ಕಾರ್ನ್ವಾಲ್ 5 ವಿಕೆಟ್‌ಗಳು

 ವೆಸ್ಟ್ ಇಂಡೀಸ್ ಎರಡನೇ ಇನ್ನಿಂಗ್ಸ್ 26ಕ್ಕೆ ವಿಕೆಟ್

 ಜಾನ್ಸನ್ 17  ಕ್ಯಾಂಪ್‌ಬೆಲ್ ಅಜೇಯ 9

ಬೌಲಿಂಗ್ ವಿವರ

ಅಶ್ವಿನ್ 1 ವಿಕೆಟ್

ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.