ನೋಡಲು ಸಿಂಪಲ್ ಆದ್ರೂ ಕಾವ್ಯಾ ಮಾರನ್ ಭಾರೀ ಸಿರಿವಂತೆ

ಹೈದರಾಬಾದ್: ಸನ್ ರೈಸರ್ಸ್ ಹೈದರಾಬಾದ್ ತಂಡದ ಮಾಲಕಿ ಕಾವ್ಯಾ ಮಾರನ್ ನೋಡಲು ಸಿಂಪಲ್ ಆದರೂ ಅವರ ನೆಟ್ ವರ್ತ್ ಕೇಳಿದರೆ ಹುಬ್ಬೇರಿಸುತ್ತೀರಿ.

ಐಪಿಎಲ್ ನಲ್ಲಿ ತಮ್ಮ ತಂಡ ಹೈದರಾಬಾದ್ ಆಡುವಾಗ ಪ್ರತೀ ಪಂದ್ಯದಲ್ಲೂ ಮೈದಾನದಲ್ಲಿರುವ ಕಾವ್ಯಾ ಮಾರನ್ ತಂಡ ಗೆದ್ದಾಗ ಚಿಕ್ಕಮಕ್ಕಳಂತೆ ಕುಣಿದಾಡಿ ಸೋತಾಗ ಬೇಸರಗೊಂಡ ವಿಡಿಯೋಗಳು ಅನೇಕ ಬಾರಿ ವೈರಲ್ ಆಗಿವೆ. ಈ ಸಿಂಪಲ್ ಸುಂದರಿ ಕಾವ್ಯಾ ಮಾರನ್ ಬೇರೆ ಯಾರೂ ಅಲ್ಲ. ಉದ್ಯಮಿ, ರಾಜಕಾರಣಿ ಕಲಾನಿಧಿ ಮಾರನ್ ಅವರ ಏಕೈಕ ಪುತ್ರಿ.

ಎಲ್ಲರಿಗೂ ತಿಳಿದಿರುವ ಹಾಗೆ ಕಲಾನಿಧಿ ಮಾರನ್ ಸನ್ ಗ್ರೂಪ್ ನ ಮಾಲಿಕರು. ಅವರ ಆಸ್ತಿ ಸುಮಾರು 20 ಸಾವಿರ ಕೋಟಿ ರೂ. ದಾಟುತ್ತದೆ. ಕಲಾನಿಧಿ ಮಾರನ್ ಅವರ ಆಸ್ತಿಯೆಲ್ಲಾ ಕಾವ್ಯಾಳದ್ದೇ. ಹೀಗಾಗಿ ಕಾವ್ಯಾ 20 ಸಾವಿರ ಕೋಟಿಗೂ ಹೆಚ್ಚು ಆಸ್ತಿ ಹೊಂದಿರುವ ಸಿರಿವಂತೆ.

ಹಾಗೆ ನೋಡಿದರೆ ಕೆಕೆಆರ್ ಸಹ ಮಾಲಿಕ ಶಾರುಖ್ ಖಾನ್ ಗಿಂತಲೂ ಕಾವ್ಯಾ ಸಿರಿವಂತೆ. ಲಂಡನ್ ನಲ್ಲಿ ಎಂಬಿಎ ಪದವಿ ಪಡೆದಿರುವ ಕಾವ್ಯಾ ಉದ್ಯಮದಲ್ಲಿ ಭಾರೀ ಚತುರೆ. ಕೌಟುಂಬಿಕ ಹಿನ್ನಲೆಯುಳ್ಳ ಕಾರಣ ಆಕೆಯೂ ತಂದೆಯ ವ್ಯವಹಾರದಲ್ಲಿ ಜೊತೆಗೂಡಿದ್ದಾರೆ. ಉದ್ಯಮಿಯಾಗಿ ಯಶಸ್ಸು ಸಾಧಿಸಿದ್ದಾರೆ.