ಬೆಂಗಳೂರು: ಐಪಿಎಲ್ 2022 ಮಾರ್ಚ್ ಕೊನೆಯ ವಾರದಲ್ಲಿ ಆರಂಭವಾಗಲಿದೆ. ಆದರೆ ಆರಂಭಿಕ ಪಂದ್ಯಗಳಿಗೆ ಆರ್ ಸಿಬಿಗೆ ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರರು ಗೈರಾಗುವ ಸಾಧ್ಯತೆಯಿದೆ.
ಆಸೀಸ್ ಮೂಲದ ಆರ್ ಸಿಬಿ ಆಟಗಾರರಾದ ಗ್ಲೆನ್ ಮ್ಯಾಕ್ಸ್ ವೆಲ್, ಜೋಶ್ ಹೇಝಲ್ ವುಡ್ ಏಪ್ರಿಲ್ 6 ವರೆಗೆ ನಡೆಯಲಿರುವ ಆಸೀಸ್-ಪಾಕ್ ಸರಣಿಯಿಂದ ವಿಶ್ರಾಂತಿ ಪಡೆದಿದ್ದಾರೆ. ಹೀಗಾಗಿ ಈ ಸರಣಿ ಮುಗಿಯುವವರೆಗೂ ಮ್ಯಾಕ್ಸ್ ವೆಲ್, ಹೇಝಲ್ ವುಡ್ ಗೆ ಐಪಿಎಲ್ ಆಡಲು ಕ್ರಿಕೆಟ್ ಆಸ್ಟ್ರೇಲಿಯಾ ಅನುಮತಿ ನೀಡದು.
ಇನ್ನು, ಜೇಸನ್ ಬೆಹ್ರೆನ್ ಡ್ರಾರ್ಫ್ ಪಾಕ್ ಸರಣಿಯಲ್ಲಿ ಆಡಲಿದ್ದಾರೆ. ಹೀಗಾಗಿ ಅವರಿಗೂ ಆರ್ ಸಿಬಿ ಪರ ಮೊದಲ ಪಂದ್ಯಗಳಲ್ಲಿ ಭಾಗವಹಿಸಲು ಸಾಧ್ಯವಾಗದು.
