IND vs AUS: ಸತತ 14 ನೇ ಬಾರಿಗೆ ಟಾಸ್ ಸೋತ ಟೀಂ ಇಂಡಿಯಾ

Photo Credit: X

ದುಬೈ: ಚಾಂಪಿಯನ್ಸ್ ಟ್ರೋಫಿ 2025 ರಲ್ಲಿ ಟೀಂ ಇಂಡಿಯಾ ಇಂದು ಆಸ್ಟ್ರೇಲಿಯಾ ವಿರುದ್ಧ ಸೆಮಿಫೈನಲ್ ಪಂದ್ಯವಾಡುತ್ತಿದ್ದು ಇಂದು ಸತತ 14 ನೇ ಬಾರಿಗೆ ಭಾರತ ಟಾಸ್ ಸೋತು ದಾಖಲೆ ಮಾಡಿದೆ.

ಈ ಪೈಕಿ 11 ಬಾರಿ ರೋಹಿತ್ ಟಾಸ್ ಸೋತಿದ್ದಾರೆ. ಈ ಮೂಲಕ ಅತೀ ಹೆಚ್ಚು ಬಾರಿ ಸತತವಾಗಿ ಟಾಸ್ ಸೋತ ಕುಖ್ಯಾತಿಗೊಳಗಾದ ವಿಶ್ವ ನಾಯಕರ ಪಟ್ಟಿಯಲ್ಲಿ ರೋಹಿತ್ ನೆದರ್ಲ್ಯಾಂಡ್ಸ್ ನ ಪೀಟರ್ ಬೊರೆನ್ ಜೊತೆಗೆ ಜಂಟಿಯಾಗಿ ಎರಡನೇ ಸ್ಥಾನ ಪಡೆದಿದ್ದಾರೆ.  ಮೊದಲನೇ ಸ್ಥಾನದಲ್ಲಿ 12 ಬಾರಿ ಟಾಸ್ ಸೋತ ವೆಸ್ಟ್ ಇಂಡೀಸ್ ದಂತಕತೆ ಬ್ರಿಯಾನ್ ಲಾರಾ ಇದ್ದಾರೆ.

ಇನ್ನು ಇಂದಿನ ಪಂದ್ಯದಲ್ಲಿ ಟಾಸ್ ಗೆದ್ದ ಆಸ್ಟ್ರೇಲಿಯಾ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿದೆ. ಆಸ್ಟ್ರೇಲಿಯಾ ಎರಡು ಬದಲಾವಣೆಗಳೊಂದಿಗೆ ಕಣಕ್ಕಿಳಿದರೆ ಅತ್ತ ಟೀಂ ಇಂಡಿಯಾ ಕಳೆದ ಪಂದ್ಯದಲ್ಲಿ ಆಡಿದ್ದ ತಂಡವನ್ನೇ ಕಣಕ್ಕಿಳಿಸಿದೆ.

ಇನ್ನು ಸತತವಾಗಿ ಟಾಸ್ ಸೋತಿರುವ ಬಗ್ಗೆ ಮಾತನಾಡಿರುವ ರೋಹಿತ್ ಶರ್ಮಾ, ನನಗೆ ಈ ಪಂದ್ಯದಲ್ಲಿ ಟಾಸ್ ಗೆದ್ದರೆ ಏನು ಆಯ್ಕೆ ಮಾಡಬೇಕು ಎಂಬ ಗೊಂದಲವಿತ್ತು. ಇಂತಹ ಪರಿಸ್ಥಿತಿಯಲ್ಲಿ ಟಾಸ್ ಸೋತಿರುವುದು ನನಗೆ ಸುಲಭವಾಯಿತು ಎಂದಿದ್ದಾರೆ.