ರೋಹಿತ್ ಶರ್ಮಾ ಪತ್ನಿ ರಿತಿಕಾರನ್ನು ತಬ್ಬಿಕೊಂಡ ಹಾರ್ದಿಕ್ ಪಾಂಡ್ಯ

Photo Courtesy: Twitter

ಮುಂಬೈ: ಮುಂಬೈ ಇಂಡಿಯನ್ಸ್ ಆಟಗಾರರು ನಿನ್ನೆ ಜೋರಾಗಿ ಹೋಳಿ ಹಬ್ಬ ಆಚರಿಸಿಕೊಂಡಿದ್ದಾರೆ. ರೋಹಿತ್ ಶರ್ಮಾ ಕುಟುಂಬ, ಹಾರ್ದಿಕ್ ಪಾಂಡ್ಯ, ಜಸ್ಪ್ರೀತ್ ಬುಮ್ರಾ ಸೇರಿದಂತೆ ಇಡೀ ಮುಂಬೈ ತಂಡ ಜೊತೆಯಾಗಿತ್ತು.

ಮುಂಬೈ ಇಂಡಿಯನ್ಸ್ ತಂಡದ ಎಲ್ಲಾ ಆಟಗಾರರು ಬಣ್ಣದಿಂದ ಮಿಂದೆದ್ದರು. ರೋಹಿತ್ ಶರ್ಮಾ ಗುರುತೇ ಸಿಗದಷ್ಟು ಬಣ್ಣದಲ್ಲಿ ಮುಳುಗಿ ಹೋಗಿದ್ದರು. ರೋಹಿತ್ ಪುತ್ರಿ ಸಮೈರಾ ಜೊತೆ ಮಗುವಾಗಿ ತಾವೂ ಬಣ್ಣದ ನೀರಿನಲ್ಲಿ ಆಡುತ್ತಿದ್ದ ದೃಶ‍್ಯ ಎಲ್ಲರ ಗಮನ ಸೆಳೆದಿತ್ತು.

ಆದರೆ ಎಲ್ಲಕ್ಕಿಂತ ಹೆಚ್ಚು ಗಮನ ಸೆಳೆದಿರುವುದು ರೋಹಿತ್ ಪತ್ನಿ ರಿತಿಕಾರನ್ನು ಹಾರ್ದಿಕ್ ತಬ್ಬಿಕೊಂಡ ದೃಶ್ಯ. ಹೋಳಿ ಹಬ್ಬದ ಆಚರಣೆ ಸಂದರ್ಭದ ವಿಡಿಯೋ, ಫೋಟೋಗಳನ್ನು ಆಟಗಾರರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಈ ವೇಳೆ ರಿತಿಕಾಗೆ ತಾನಾಗಿಯೇ ಮುಂದೆ ಬಂದು ಹಾರ್ದಿಕ್ ತಬ್ಬಿ ಶುಭಾಶಯ ಸಲ್ಲಿಸಿದ್ದಾರೆ.

ಈ ಮೊದಲು ರೋಹಿತ್ ರನ್ನು ಮುಂಬೈ ಇಂಡಿಯನ್ಸ್ ನಾಯಕತ್ವದಿಂದ ಕಿತ್ತು ಹಾಕಿದಾಗ ರಿತಿಕಾ ಬಹಿರಂಗವಾಗಿಯೇ ಅಸಮಾಧಾನ ತೋಡಿಕೊಂಡಿದ್ದರು. ಅಲ್ಲದೆ ಮೊನ್ನೆ ಮೊದಲ ಪಂದ್ಯದ ವೇಳೆ ರೋಹಿತ್ ಶರ್ಮಾರನ್ನು ಹಾರ್ದಿಕ್ ನಡೆಸಿಕೊಂಡ ರೀತಿ ಟೀಕೆಗೆ ಕಾರಣವಾಯಿತು. ಈ ಎಲ್ಲಾ ವಿವಾದಗಳ ನಡುವೆ ಹಾರ್ದಿಕ್-ರಿತಿಕಾ ತಬ್ಬಿಕೊಂಡು ಪ್ಯಾಚ್ ಅಪ್ ಮಾಡಿಕೊಂಡಿದ್ದಾರೆ.