ಗುಟ್ಟು ಗುಟ್ಟಾಗಿ ಶುಬ್ಮನ್ ಗಿಲ್ ಭೇಟಿಯಾದ್ರಾ ಸಾರಾ ತೆಂಡುಲ್ಕರ್?!

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗ ಶುಬ್ಮನ್ ಗಿಲ್ ಮತ್ತು ಸಚಿನ್ ತೆಂಡುಲ್ಕರ್ ಪುತ್ರಿ ಸಾರಾ ತೆಂಡುಲ್ಕರ್ ನಡುವಿನ ಡೇಟಿಂಗ್ ರೂಮರ್ ಈಗ ಜೋರಾಗಿ ಸದ್ದು ಮಾಡುತ್ತಿದೆ.

ಇಬ್ಬರೂ ಇದುವರೆಗೆ ಸಾರ್ವಜನಿಕವಾಗಿ ಒಟ್ಟಿಗೇ ಕಾಣಿಸಿಕೊಳ್ಳದೇ ಇದ್ದರೂ ಇಬ್ಬರ ನಡುವೆ ಸ್ನೇಹಕ್ಕೂ ಮೀರಿದ ಸಂಬಂಧವಿದೆ ಎಂಬ ಗುಲ್ಲು ಜೋರಾಗಿಯೇ ಇದೆ. ಇದಕ್ಕೆ ಸಾಕ್ಷಿಯೆಂಬಂತೆ ಇತ್ತೀಚೆಗೆ ಸಾರಾ ಮತ್ತು ಗಿಲ್ ಪಾರ್ಟಿಯೊಂದರಲ್ಲಿ ಜೊತೆಯಾಗಿ ಭಾಗಿಯಾಗಿದ್ದ ವಿಡಿಯೋ ಬಯಲಾಗಿತ್ತು. ಜೊತೆಗೆ ಟೀಂ ಇಂಡಿಯಾ ಮುಂಬೈನಲ್ಲಿ ಪಂದ್ಯವಾಡುವಾಗ ಗ್ಯಾಲರಿಯಲ್ಲಿ ಉಪಸ್ಥಿತರಿದ್ದ ಸಾರಾ ಚಿಯರ್ ಮಾಡುತ್ತಿದ್ದುದು ಎಲ್ಲರ ಕಣ್ಣಿಗೆ ಬಿದ್ದಿತ್ತು.

ಇದೀಗ ಹೊಸ ವಿಡಿಯೋವೊಂದರಲ್ಲಿ ಸಾರಾ ಪಾರ್ಟಿ ಡ್ರೆಸ್ ನಲ್ಲಿ ಕಾರು ಏರಿ ಹೋಗುತ್ತಿರುವುದು ವೈರಲ್ ಆಗಿದೆ. ಇದನ್ನು ನೋಡಿ ಕೆಲವರು ಸದ್ಯಕ್ಕೆ ಮುಂಬೈನಲ್ಲಿ ಕ್ರಿಕೆಟ್ ಆಡಲು ಬಂದಿರುವ ಗಿಲ್ ಜೊತೆ ಸಾರಾ ಜೊತೆ ಗುಟ್ಟು ಗುಟ್ಟಾಗಿ ಮೀಟಿಂಗ್ ಮಾಡಲು ಬಂದಿದ್ದರು ಎಂದು ಗುಮಾನಿ ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋದಲ್ಲಿ ಎಲ್ಲಿಯೂ ಗಿಲ್ ಕಾಣಿಸಿಕೊಂಡಿಲ್ಲ. ಹಾಗಿದ್ದರೂ ಸಾರಾ ಬಂದಿದ್ದು ಗಿಲ್ ಭೇಟಿಗಾಗಿ ಎಂಬ ಪುಕಾರು ಹಬ್ಬಿದೆ.