ಧೋನಿಗೆ ಇದುವೇ ಕೊನೆಯ ಐಪಿಎಲ್? 2021 ಕ್ಕೆ ಸಿಎಸ್ ಕೆಯಿಂದ ಹೊರಕ್ಕೆ?

ಚೆನ್ನೈ: ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಎಂದರೆ ಧೋನಿ. ಧೋನಿ ಎಂದರೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡ. ಆದರೆ ಧೋನಿ ಪಾಲಿಗೆ ಇದುವೇ ಕೊನೆಯ ಐಪಿಎಲ್ ಆಗುವ ಸಾಧ್ಯತೆಯಿದೆ.

ಮೂಲಗಳ ಪ್ರಕಾರ 2021 ರ ಐಪಿಎಲ್ ಹರಾಜು ಪ್ರಕ್ರಿಯೆಯಿಂದ ತನ್ನನ್ನು ರಿಲೀಸ್ ಮಾಡುವಂತೆ ಧೋನಿ ಸಿಎಸ್ ಕೆ ಬಳಿ ಮನವಿ ಮಾಡಿದ್ದಾರೆ ಎಂಬ ವರದಿ ಬಂದಿದೆ.

ಆದರೆ ಇನ್ನು ಮುಂದೆ  ಐಪಿಎಲ್ ಆಡಲ್ಲ ಎನ್ನುವ ಕಾರಣಕ್ಕೆ ಈ ರೀತಿ ಹೇಳಿಬರಬಹುದು ಎಂಬ ಅನುಮಾನ ಒಂದು ಕಡೆಯಾದರೆ ಇನ್ನೊಂದು ಕಡೆ ಈ ವಿಚಾರವನ್ನು ಇನ್ನೊಂದು ರೀತಿಯಲ್ಲಿ ವಿಶ್ಲೇಷಿಸಲಾಗುತ್ತಿದೆ. ಹರಾಜಿಗೊಳಪಟ್ಟರೆ ಫ್ರಾಂಚೈಸಿ ಮರಳಿ ಖರೀದಿಸಬೇಕೆಂದರೆ ದುಬಾರಿ ಹಣ ಖರ್ಚು ಮಾಡಬೇಕಾಗುತ್ತದೆ. ಅದರ ಬದಲು ರೈಟು ಮ್ಯಾಚ್ ಕಾರ್ಡ್ ನಿಯಮದ ಪ್ರಕಾರ ತಮ್ಮನ್ನು ತಂಡದಲ್ಲಿ ಉಳಿಸಿಕೊಳ್ಳಲು ಧೋನಿ ಈ ರೀತಿ ಹೇಳಿದ್ದಾರೆನ್ನಲಾಗುತ್ತಿದೆ. ಅದೇನೇ ಇದ್ದರೂ ಧೋನಿ ನಡೆ ನಿಗೂಢವಾಗಿಯೇ ಇದೆ.