ಮುಂಬೈ: ಲಾಕ್ ಡೌನ್ ನಿಂದಾಗಿ ಕ್ರಿಕೆಟಿಗರಿಗೆ ಈಗ ಜಿಮ್ ಗೆ ತೆರಳಿ ದೈಹಿಕ ಕಸರತ್ತು ನಡೆಸಲು ಸಾಧ‍್ಯವಾಗುತ್ತಿಲ್ಲ. ಆದರೆ ಫಿಟ್ನೆಸ್ ಕಾಯ್ದುಕೊಳ್ಳದೇ ಇದ್ದರೆ ಮುಂದೆ ಆಡುವುದು ಕಷ್ಟ. ಹೀಗಾಗಿ ಕ್ರಿಕೆಟಿಗರು ಹೊಸ ತಂತ್ರ ಕಂಡುಕೊಂಡಿದ್ದಾರೆ!
ಟೀಂ ಇಂಡಿಯಾ ಕ್ರಿಕೆಟಿಗ ಶಿಖರ್ ಧವನ್ ಮೊನ್ನೆಯಷ್ಟೇ ಬಟ್ಟೆ ತೊಳೆಯುವ ವಿಡಿಯೋ ಪ್ರಕಟಿಸಿದ್ದರು. ಆದರೆ ಇದು ತಮಾಷೆಗಾಗಿ ಆಗಿತ್ತು.
ಆದರೆ ಅದಾದ ಬಳಿಕ ಶ್ರೇಯಸ್ ಅಯ್ಯರ್ ಮನೆಯಲ್ಲಿ ನೆಲ ಒರೆಸುತ್ತಿರುವ ವಿಡಿಯೋ ಪ್ರಕಟಿಸಿ ಸದ್ಯಕ್ಕೆ ನನಗೆ ಫಿಟ್ನೆಸ್ ಕಾಯ್ದುಕೊಳ್ಳಲು ಇರುವ ತಂತ್ರ ಇದುವೇ ಎಂದಿದ್ದರು. ಅಯ್ಯರ್ ಬಳಿಕ ಇದೀಗ ಟೀಂ ಇಂಡಿಯಾ ವೇಗಿ ಜಸ್ಪ್ರೀತ್ ಬುಮ್ರಾ ಕೂಡಾ ಮನೆಯಲ್ಲೇ ನೆಲ ಒರೆಸುವ ವಿಡಿಯೋ ಹಾಕಿದ್ದಾರೆ. ನನಗೆ ವ್ಯಾಯಾಮವೂ ಆಯ್ತು, ಅಮ್ಮನೂ ಖುಷಿಯಾದರು ಎಂದು ಸಾಮಾಜಿಕ ಜಾಲತಾಣದಲ್ಲಿ ಬುಮ್ರಾ ಬರೆದುಕೊಂಡಿದ್ದಾರೆ. ಆ ಮೂಲಕ ಕ್ರಿಕೆಟಿಗರು ಈಗ ಫಿಟ್ನೆಸ್ ಗಾಗಿ ಮನೆಗೆಲಸ ಮಾಡುತ್ತಿದ್ದಾರೆ!
