ಫಿಲಿಪ್ ಕೌಟಿನೊ ಮನಮೋಹಕ ಹ್ಯಾಟ್ರಿಕ್ ಗೋಲುಗಳು ಮತ್ತು ರೆನಾಟೊ ಆಗಸ್ಟೊ ಎರಡು ಗೋಲುಗಳನ್ನು ಗಳಿಸುವ ಮೂಲಕ ಕೋಪಾ ಅಮೆರಿಕ ಗ್ರೂಪ್ ಬಿ ಪಂದ್ಯದಲ್ಲಿ ಬ್ರೆಜಿಲ್ ಹೈಟಿಯನ್ನು 7-1ರಿಂದ ಮಣಿಸಿದೆ. ಈ ಫಲಿತಾಂಶದಿಂದ ಬ್ರೆಜಿಲ್ 2 ಪಂದ್ಯಗಳಿಂದ ನಾಲ್ಕು ಪಾಯಿಂಟ್ ಗಳಿಸಿದ್ದು, ಯುಕಾಡರ್ ವಿರುದ್ಧ ಆರಂಭದ ಪಂದ್ಯದಲ್ಲಿ ಗೋಲುರಹಿತ ಡ್ರಾ ಮಾಡಿಕೊಂಡಿತ್ತು.
ಐದು ಬಾರಿಯ ವಿಶ್ವ ಚಾಂಪಿಯನ್ನರು ಭಾನುವಾರ ಪೆರು ವಿರುದ್ಧ ಗ್ರೂಪ್ ಹಂತವನ್ನು ಮುಗಿಸಲಿದ್ದಾರೆ. ಮೊದಲ ಕೋಪಾ ಅಮೆರಿಕ ಪಂದ್ಯದಲ್ಲಿ ಆಡುತ್ತಿರುವ ಹೈಟಿಗೆ ಸ್ಮರಣೀಯ ಸಂದರ್ಭವು ದುಃಸ್ವಪ್ನವಾಗಿ ತಿರುಗಿ ಎದುರಾಳಿಯನ್ನು ಸರಿಗಟ್ಟಲು ಅಸಮರ್ಥವಾಯಿತು.
ಬ್ರೆಜಿಲಿಯನ್ನರು ಆರಂಭದಲ್ಲೇ ಆಟವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡು ಕುಟಿನ್ಹೊ 14ನೇ ನಿಮಿಷದಲ್ಲಿ ಮನೋಜ್ಞ ಗೋಲೊಂದನ್ನು ಹೊಡೆದರು. 15 ನಿಮಿಷಗಳ ನಂತರ ಕುಟಿನ್ಹೋ ಎದುರಾಳಿ ಆಟಗಾರರನ್ನು ವಂಚಿಸಿ ಮತ್ತೊಂದು ಗೋಲನ್ನು ಗಳಿಸಿದರು. ವಿಲಿಯಂ ಫಾರ್ವರ್ಡ್ ಮತ್ತು ಮಿಡ್ಫೀಲ್ಡ್ನಲ್ಲಿ ಚೆಂಡನ್ನು ಸರಾಗವಾಗಿ ತಳ್ಳುತ್ತಿದ್ದರು.
ಹೈಟಿ ಗೋಲು ರಕ್ಷಣೆ ಕೊರತೆ ಮತ್ತು ಮಿಡ್ಫೀಲ್ಡ್ ದುರ್ಬಲತೆಯಿಂದ ತಿಣುಕಾಡಿತು. ಗ್ಯಾಬ್ರಿಲಾ ಬಾರ್ಬೋಲಾ ಜೋನಾಸ್ಗೆ ಬದಲಿಯಾಗಿ ಆಡಿ 59ನೇ ನಿಮಿಷದಲ್ಲಿ ನಿಖರವಾಗಿ ಎಡಗಾಲಿನಿಂದ ಗೋಲುಪಟ್ಟಿಯೊಳಗೆ ಚೆಂಡನ್ನು ಹಾಕಿದಾಗ ಸ್ಕೋರು 4-0 ಆಗಿತ್ತು.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ ಮೊಬೈಲ್ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಿ.