ಐಪಿಎಲ್ ಆರಂಭಕ್ಕೂ ಮೊದಲೇ ಪ್ರಸಾರಕರಿಂದ ಅಪಸ್ವರ

ಮುಂಬೈ: ಐಪಿಎಲ್ 13 ನ್ನು ಸೆಪ್ಟೆಂಬರ್ 26 ರಿಂದ ನವಂಬರ್ 8 ರವರೆಗೆ ಆಯೋಜಿಸಲು ಬಿಸಿಸಿಐ ಚಿಂತನೆ ನಡೆಸಿದೆ. ಆದರೆ ಇದಕ್ಕೆ ಪ್ರಸಾರಕರಿಂದ ಅಪಸ್ವರ ಕೇಳಿಬಂದಿದೆ.

ಐಪಿಎಲ್ ಪಂದ್ಯಾವಳಿಗಳ ನೇರಪ್ರಸಾರದ ಹಕ್ಕು ಪಡೆದಿರುವ ಸ್ಟಾರ್ ಸ್ಪೋರ್ಟ್ಸ್ ಸಂಸ್ಥೆ ಈ ವೇಳಾಪಟ್ಟಿ ಬಗ್ಗೆ ಅಸಮಾಧಾನ ಹೊಂದಿದೆ ಎನ್ನಲಾಗಿದೆ.

ಇದಕ್ಕೆ ಕಾರಣ ಈ ವೇಳಾಪಟ್ಟಿಯ ಅನುಸಾರ ದೀಪಾವಳಿಗೂ ಮೊದಲೇ ಐಪಿಎಲ್ ಮುಕ್ತಾಯಗೊಳ‍್ಳಲಿದೆ. ಒಂದು ವೇಳೆ ದೀಪಾವಳಿ ಸಂದರ್ಭದಲ್ಲೂ ಐಪಿಎಲ್ ಇದ್ದಿದ್ದರೆ ಅಧಿಕ ಜಾಹೀರಾತುಗಳನ್ನು ಪಡೆಯಬಹುದಿತ್ತು. ಆದರೆ ಈಗ ಉದ್ದೇಶಿಸಲಾಗಿರುವ ವೇಳಾಪಟ್ಟಿಯಿಂದ ತಮಗೆ ಲಾಭ ಪಡೆಯಲು ಸಾಧ‍್ಯವಾಗದು ಎಂಬುದು ಸ್ಟಾರ್ ಸಂಸ್ಥೆಯ ಅಸಮಾಧಾನಕ್ಕೆ ಕಾರಣವಾಗಿದೆ.