ಕ್ರಿಕೆಟ್ ಆಸ್ಟ್ರೇಲಿಯಾಗೆ ಅಂತಿಮ ಗಡುವು ವಿಧಿಸಿದ ಬಿಸಿಸಿಐ

ಬ್ರಿಸ್ಬೇನ್: ನಾಲ್ಕನೇ ಟೆಸ್ಟ್ ಬಗ್ಗೆ ಇರುವ ಅನಿಶ್ಚಿತತೆ ಕೊನೆಗೊಳಿಸಲು ಬಿಸಿಸಿಐ ಕ್ರಿಕೆಟ್ ಆಸ್ಟ್ರೇಲಿಯಾಗೆ ಅಂತಿಮ ಗಡುವು ವಿಧಿಸಿದೆ.

ಭಾರತೀಯ ಕ್ರಿಕೆಟಿಗರು ಕ್ವಾರಂಟೈನ್ ಗೊಳಗಾಗಬೇಕು, ಇಲ್ಲದೇ ಹೋದರೆ ಪಂದ್ಯವಾಡಲು ಇಲ್ಲಿಗೆ ಬರುವುದು ಬೇಡ ಎಂದು ಕ್ವೀನ್ಸ್ ಲ್ಯಾಂಡ್ ಆರೋಗ್ಯ ಸಚಿವೆ ಹೇಳಿಕೆ ನೀಡಿರುವುದು ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾಗಿದೆ. ಹೀಗಾಗಿ ಈ ವಿಚಾರದ ಬಗ್ಗೆ ಅಂತಿಮ ನಿರ್ಣಯ ಕೈಗೊಳ್ಳಲು ಗಡುವು ವಿಧಿಸಿದೆ. ಒಂದು ವೇಳೆ ಕಠಿಣ ನಿಯಮಾವಳಿ ಸಡಿಲಗೊಳಿಸದೇ ಇದ್ದರೆ ಭಾರತ ಪಂದ್ಯ ಬಹಿಷ್ಕರಿಸಿದರೂ ಅಚ್ಚರಿಯಿಲ್ಲ.