ಅಜಿಂಕ್ಯಾ ರೆಹಾನೆಗೆ ಸಿಕ್ತು ಗಿಫ್ಟ್

ಮುಂಬೈ: ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಅಜಿಂಕ್ಯಾ ರೆಹಾನೆಗೆ ಅಪರೂಪದ ವ್ಯಕ್ತಿಯೊಬ್ಬರಿಂದ ವಿಶಿಷ್ಡ ಉಡುಗೊರೆ ಸಿಕ್ಕಿದೆ.  ದಿಪಾವಳಿ ಸಂದರ್ಭದಲ್ಲಿ ಖ್ಯಾತ ಫುಟ್ಬಾಲಿಗ ಹಾಲೆಂಡ್ ನಾಯಕ ಅರ್ಜೆನ್ ರೊಬೆನ್ ರೆಹಾನೆಗೆ ಜೆರ್ಸಿ ಗಿಫ್ಟ್ ನೀಡಿದ್ದಾರೆ.

ತಮ್ಮ ತಂಡದ ಜೆರ್ಸಿಯಲ್ಲಿ ರೆಹಾನೆ ಹೆಸರು ಮತ್ತು 27 ಸಂಖ್ಯೆ ನಮೂದಿಸಿ ಉಡುಗೊರೆ ಕಳುಹಿಸಿಕೊಟ್ಟಿದ್ದಾರೆ. ಅಲ್ಲದೆ ದೀಪಾವಳಿ ಶುಭಾಶಯವನ್ನೂ ತಿಳಿಸಿದ್ದಾರೆ. ಇದಕ್ಕೆ ಪ್ರತಿಯಾಗಿ ರೆಹಾನೆ ಕೂಡಾ ತಮ್ಮ ತಂಡದ ಜೆರ್ಸಿಯೊಂದನ್ನು ರೊಬೆನ್ ಗೆ ಕಳುಹಿಸಿ ಶುಭಾಶಯ ಕೋರಿದ್ದಾರೆ.

ಸದ್ಯ ಭಾರತದಲ್ಲಿ ಫುಟ್ ಬಾಲ್ ಜನಪ್ರಿಯಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಇಲ್ಲಿನ ಮಾರುಕಟ್ಟೆಯನ್ನು ಬಳಕೆ ಮಾಡಲು ಜಗತ್ತಿನ ವಿವಿಧ ಪುಟ್ ಬಾಲ್ ತಂಡಗಳು ಪ್ರಯತ್ನ ನಡೆಸುತ್ತಿವೆ. ಹೀಗಾಗಿ ಜನಪ್ರಿಯ ಕ್ರಿಕೆಟಿಗರನ್ನೇ ಬಳಸಿಕೊಂಡು ಈ ರೀತಿಯಲ್ಲಿ ಕ್ರೀಡೆಗೆ ಪ್ರಚಾರ ಗಿಟ್ಟಿಸಿಕೊಳ್ಳುವುದು ಇದರ ಹಿಂದಿರುವ ಉದ್ದೇಶವೂ ಆಗಿರಬಹುದು ಎಂದು ವಿಶ್ಲೇಷಿಸಲಾಗುತ್ತಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ