ಧೋನಿಯನ್ನು ಪದಚ್ಯುತಗೊಳಿಸುವುದು ಮೂರ್ಖತನವೆಂದ ಗ್ಯಾರಿ ಕರ್ಸ್ಟನ್

ಮುಂಬೈ: ಮಹೇಂದ್ರ ಸಿಂಗ್ ಧೋನಿಯನ್ನು ನಾಯಕತ್ವದಿಂದ ಕಿತ್ತೊಗೆದರೆ ಭಾರತ ತಂಡ ತನ್ನ ಸೋಲಿಗೆ ತಾನೇ ಗುಂಡಿ ತೋಡಿದಂತೆ ಎಂದು ಟೀಂ ಇಂಡಿಯಾ ಮಾಜಿ ಕೋಚ್ ಗ್ಯಾರಿ ಕರ್ಸ್ಟನ್ ಹೇಳಿದ್ದಾರೆ.

ಭಾರತ ಅಂತಹ ಮೂರ್ಖತನ ಮಾಡಬಾರದು. ಒಂದು ವೇಳೆ ಮಾಡಿದರೆ ಮುಂದಿನ ವಿಶ್ವಕಪ್ ನಲ್ಲಿ ಪಂದ್ಯ ಗೆಲ್ಲುವಂತಹ ಪ್ರದರ್ಶನ ನೀಡುವುದನ್ನು ತಾನೇ ತಪ್ಪಿಸಿಕೊಂಡಂತೆ ಎಂದು ಕರ್ಸ್ಟನ್ ಅಭಿಪ್ರಾಯಪಟ್ಟಿದ್ದಾರೆ.

ವಿರಾಟ್ ಕೊಹ್ಲಿಗೆ ಧೋನಿ ಬದಲು ನಾಯಕತ್ವ ನೀಡುವುದರಲ್ಲಿ ಅರ್ಥವಿಲ್ಲ. ನನಗೆ ತಿಳಿದ ಮಟ್ಟಿಗೆ ಎಲ್ಲಾ ಶ್ರೇಷ್ಠ ನಾಯಕರಲ್ಲಿ ಕೊನೆಯವರೆಗೂ ಶ್ರೇಷ್ಠತೆ ಎನ್ನುವುದಿರುತ್ತದೆ ಎಂದು ತಮ್ಮ ಹಳೆಯ ಶಿಷ್ಯನ ಪರ ಗುರು ಗ್ಯಾರಿ ಬ್ಯಾಟ್ ಮಾಡಿದ್ದಾರೆ.

ಟೆಸ್ಟ್ ಪಂದ್ಯಗಳಲ್ಲಿ ಕೊಹ್ಲಿ ಯಶಸ್ವಿಯಾಗುತ್ತಿರುವ ಹಿನ್ನೆಲೆಯಲ್ಲಿ , ಏಕದಿನ ಪಂದ್ಯಗಳಲ್ಲಿ ಧೋನಿ ಮಂಕಾಗುತ್ತಿರುವ ಹಿನ್ನೆಲೆಯಲ್ಲಿ ನಾಯಕತ್ವ ಬದಲಾವಣೆ ಕುರಿತಂತೆ ಅವರಿಗೆ ಪ್ರಶ್ನೆ ಕೇಳಲಾಗಿತ್ತು. ಅದಕ್ಕೆ ಅವರು ಈ ರೀತಿ ಉತ್ತರಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ