ಕಾಲಾ ಚಿತ್ರದಲ್ಲಿ ನಟಿಸಿದ ನಾಯಿ ಈಗ ಸುದ್ದಿಯಾಗಿರುವುದು ಯಾಕೆ ಗೊತ್ತಾ..?

ಚೆನ್ನೈ : ಸಿನಿಮಾದ ಸೂಪರ್ ಸ್ಟಾರ್ ಗಳ ಆಪ್ತರು, ಸ್ನೇಹಿರು, ಅವರ ಜೊತೆ ನಟಿಸಿದ ಕಲಾವಿದರು ಆಗಾಗ ಸುದ್ದಿಯಾಗುವುದನ್ನು ನಾವು ಕೇಳಿರುತ್ತೇವೆ. ಆದರೆ ಅವರ ಜೊತೆ ಸಿನಿಮಾದಲ್ಲಿ ಇದ್ದ ನಾಯಿ ಕೂಡ ಈಗ ಸುದ್ದಿಯಾಗಿರುವುದು ತುಂಬಾ ಆಶ್ಚರ್ಯದ ಸಂಗತಿ.

ಹೌದು. ಸೂಪರ್ ಸ್ಟಾರ್ ರಜನೀಕಾಂತ್ ಅವರ ಅಭಿನಯದ ಬಹುನಿರೀಕ್ಷಿತ ‘ಕಾಲಾ’ ಚಿತ್ರದಲ್ಲಿ ರಜನಿಕಾಂತ್ ಅವರ ಜೊತೆಗಿದ್ದ ನಾಯಿಗೆ ಈಗ ಕೋಟಿಗಟ್ಟಲೆ ಬೆಲೆ ಬಂದಿದೆ. ಈ ನಾಯಿಯ ಹೆಸರು ಮಣಿ ಆಗಿದ್ದು, ಇದು ಸೂಪರ್ ಸ್ಟಾರ್ ರಜನೀಕಾಂತ್ ಅವರ ಜೊತೆ ನಟಿಸಿದ ಕಾರಣ ಇದನ್ನು ಸುಮಾರು 2 ಕೋಟಿಗೂ ಅಧಿಕ ಬೆಲೆ ಕೊಟ್ಟು ಖರೀದಿಸಲು ಮಲೇಶ್ಯಾದ ಕೆಲವು ಮಂದಿ ಮುಂದೆ ಬಂದಿದ್ದಾರೆ. ಈ ಬಗ್ಗೆ ಮಣಿಯನ್ನು ಸಾಕಿ ತರಬೇತಿ ನೀಡಿದ ಸಿಮೊನ್ ಎಂಬಾತ  ತಿಳಿಸಿದ್ದು, ಇತ ಪ್ರೀತಿಯಿಂದ ಸಾಕಿದ ಈ ನಾಯಿಯನ್ನು 2 ಕೋಟಿ ಕೊಡುತ್ತೇವೆ ಎಂದರೂ ಕೂಡ ಅದನ್ನು ಮಾರುವುದಿಲ್ಲವೆಂದು ಹೇಳಿದ್ದಾನಂತೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ