ತಿಥಿ ಸಿನಿಮಾಗೆ ಫಿದಾ ಆದ ಬಾಲಿವುಡ್ ನಟ ನಟಿಯರು

ತಿಥಿ ಸಿನಿಮಾ. ವಿಶ್ವಮಟ್ಟದಲ್ಲಿ ಕನ್ನಡದ ಕಂಪನ್ನು ಹರಡಿದ ಸಿನಿಮಾ.ಅಂತರರಾಷ್ಟ್ರೀಯ ಪ್ರಶಸ್ತಿಗೆ ಪಾತ್ರವಾಗಿರುವ ಈ ಸಿನಿಮಾ ಅನೇಕರ ಮೆಚ್ಚುಗೆ ಗಳಿಸಿದೆ. ಕೆಲ ದಿನಗಳ ಹಿಂದಷ್ಟೇ ಬಾಲಿವುಡ್ ನ ಖ್ಯಾತನಾಮ ಕಲಾವಿದರು ಸಿನಿಮಾವನ್ನು ನೋಡಿ ವ್ಹಾ! ಅಂದಿದ್ದರು. ಇದೀಗ ಇನ್ನು ಕೆಲ ಬಾಲಿವುಡ್ ಕಲಾವಿದರು ಸಿನಿಮಾವನ್ನು ಹಾಡಿ ಹೊಗಳಿದ್ದಾರೆ. 

ಕನ್ನಡ ತಿಥಿ ಸಿನಿಮಾ ಮುಂದಿನ ತಿಂಗಳು ಅಂದ್ರೆ ಜೂನ್ 3 ರಂದು ವಿಶ್ವದಾದ್ಯಂತ ರಿಲೀಸ್ ಆಗುತ್ತಿದೆ. ಈಗಾಗಲೇ ರಾಜ್ಯದಲ್ಲಿ ರಿಲೀಸ್ ಆಗಿರುವ ಈ ಸಿನಿಮಾವನ್ನು ನೋಡೋದಕ್ಕೆ ಬೇರೆ ಬೇರೆ  ಭಾಷೆಯ ಮಂದಿ ಕುತೂಹಲದಿಂದ ಕಾಯುತ್ತಿದ್ದಾರೆ. ಹೀಗಿರುವಾಗಲೇ ಬಾಲಿವುಡ್ ಕೆಲ ನಟ ನಟಿಯರು ಸಿನಿಮಾವನ್ನು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ನಟಿ ಕಲ್ಕಿ ಕೊಚ್ಲಿನ್, ಉಡ್ತಾ ಪಂಜಾಬ್ ಸಿನಿಮಾ ನಿರ್ದೇಶಕರಾದ ಅಭಿಷೇಕ್ ಚೌಬೆ, ಸಂಭಾಷಣೆಕಾರ ವರುಣ್ ಗ್ರೋವರ್, ನಟ ಮಾನವ್ ಕೌಲ್ ಮುಂತಾದವರು ತಿಥಿ ಸಿನಿಮಾವನ್ನು ವೀಕ್ಷಿಸಿದ್ದಾರಂತೆ. ಮುಂಬೈನಲ್ಲಿ ನಡೆದ ಸಿನಿಮಾದ ಸ್ಪೆಷಲ್ ಸ್ಕ್ರೀನಿಂಗ್ ನಲ್ಲಿ ಇವರೆಲ್ಲಾ ಸಿನಿಮಾವನ್ನು ವೀಕ್ಷಿಸಿದ್ರು.ಈ ಸಿನಿಮಾ ಮುಂದಿನ ತಿಂಗಳು ವಿಶ್ವವಾದ್ಯಂತ ರಿಲೀಸ್ ಆಗುತ್ತಿದೆ.

 ತಿಥಿ ಈಗಾಗಲೇ ಅಂತರರಾಷ್ಟ್ರೀಯ ಪ್ರಶಸ್ತಿಗಳನ್ನು ತನ್ನ ಮುಡಿಗೇರಿಸಿಕೊಂಡಿದೆ. ಅಲ್ಲದೇ ರಾಜ್ಯ ಪ್ರಶಸ್ತಿಯನ್ನೂ ಗೆದ್ದುಕೊಂಡಿದೆ. ಇನ್ನು ಈ ಸಿನಿಮಾವನ್ನು ನೋಡಿದ ನಟಿ ಕಲ್ಕಿ ಇದೊಂದು ಉತ್ತಮ ಸಿನಿಮಾ. ನನಗೆ ಕನ್ನಡ ಅರ್ಥವಾಗೋದಿಲ್ಲ. ಹಾಗಾಗಿ ನನಗೆ ಅದರಲ್ಲಿನ ಹಾಸ್ಯ ಸನ್ನಿವೇಶ ಅರ್ಥವಾಗಲಿಲ್ಲ. ಆದ್ರೆ ಕಥೆ ಗೊತ್ತಾಯಿತು. ಇದೊಂದು ಅದ್ಭುತವಾದ ಸಿನಿಮಾ ಎಂದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಕೊಳ್ಳಿ