ಇಂದಿರಾ ಗಾಂಧಿ ಜೀವನಾಧಾರಿತ ಚಿತ್ರದಲ್ಲಿ ನಟಿಸುವಾಸೆ: ಸ್ವರಾ ಭಾಸ್ಕರ್‌

ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ ಹಿಂದಿ ಚಿತ್ರರಂಗದಲ್ಲಿ ಸಾಕಷ್ಟು ಹೆಸರು ಮಾಡಿಲ್ಲ ಹೋದ್ರು, ಸಿನಿಮಾ ರಂಗದಲ್ಲಿ ಸಿಕ್ಕ ಪಾತ್ರಗಳನ್ನೇ ಅಚ್ಚು ಕಟ್ಟಾಗಿ ನಿರ್ವಹಿಸಿದವರು. ಇದೀಗ ನಟಿ ಸ್ವರಾ ಭಾಸ್ಕರ್ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಜೀವನಾಧಾರಿತ ಚಿತ್ರದಲ್ಲಿ ನಟಿಸಲು ಇಂಗಿತ ವ್ಯಕ್ತಪಡಿಸಿದ್ದಾರೆ. 

ಶ್ರೀಮತಿ ಇಂದಿರಾ ಗಾಂಧಿ ಜೀವನಾಧರಿತ ಚಿತ್ರದಲ್ಲಿ ನಟಿಸುವಾಸೆ.. ಅವರ ಜೀವನ ಚರಿತ್ರೆ ಆಸಕ್ತಿದಾಯಕವಾಗಿದೆ. ಆದ್ದರಿಂದ ಭಾರತದ ಮಹಿಳಾ ಪ್ರಧಾನಿಯಾಗಿದ್ದ ಇಂದಿರಾ ಗಾಂಧಿ ಜೀವನಾಧರಿತ ಚಿತ್ರದಲ್ಲಿ ನಟಿಸುವಾಸೆ ಎಂದು ಸ್ವರಾ ಭಾಸ್ಕರ್ ತಿಳಿಸಿದ್ದಾರೆ. 

ನಾನು ವಿಶಿಷ್ಠ ಪಾತ್ರಗಳನ್ನು ಮಾಡುವ ನಟಿ.. ಒಬ್ಬ ನಟಿಗೆ ಅಂಥದ್ದೇ ಪಾತ್ರಗಳನ್ನೇ ಮಾಡುವ ಹಂಬಲ ಹೆಚ್ಚಾಗಿರುತ್ತದೆ. ಆದ್ದರಿಂದ ನನಗೆ ಒಂದು ವೇಳೆ ಉತ್ತಮ ಪಾತ್ರಗಳು ಸಿಕ್ಕರೆ ಖಂಡಿತ  ಅಂಥ ಚಿತ್ರಗಳನ್ನು ಮಾಡುತ್ತೇನೆ ಎಂದು ಸ್ವರಾ ತಿಳಿಸಿದ್ದಾರೆ. 

ಇನ್ನೂ ಸ್ವರಾ ಭಾಸ್ಕರ್ ಅಭಿನಯದ ಮುಂಬರುವ ಚಿತ್ರ ಅನಾರ್ಕಲಿ ಅರಾವಳಿ ಚಿತ್ರ ಈ ವರ್ಷದಂದು ಬಿಡುಗಡೆ ಕಾಣಲಿದೆ. ಅಲ್ಲದೇ ವೀರ್ ದಿ ವೆಡ್ಡಿಂಗ್ ಚಿತ್ರದಲ್ಲೂ ಸ್ವರಾ ನಟಿಸುತ್ತಿದ್ದಾರೆ. ಶೂಟಿಂಗ್‌ನಲ್ಲಿ ಸೋನಮ್ ಕಪೂರ್ ಹಾಗೂ ಕರೀನಾ ಕಪೂರ್ ಜತೆಗೆ ಶೂಟಿಂಗ್‌ನಲ್ಲಿ ಭಾಗಿಯಾಗಿರುವುತ್ತಿರುವುದರ ಬಗ್ಗೆ ಸ್ವರಾ ಹಂಚಿಕೊಂಡಿದ್ದಾರೆ. 

ಇನ್ನೂ ತನು ವೆಡ್ಸ್ ಮನು ರಿಟರ್ನ್ಸ್ ಖ್ಯಾತಿಯ ಬರಹಗಾರ ಹಿಮಾಂಶು ಶರ್ಮಾ ಜತೆಗೆ ಸ್ವರಾ ಕಳೆದ ವರ್ಷಗಳಿಂದ ಡೇಟಿಂಗ್ ನಡೆಸುತ್ತಿದ್ದಾರೆ. ರಿಲ್ ಲೈಫಲ್ಲಿ ಮದುವೆ ಬಗ್ಗೆ ಸ್ವರಾಗೆ ಸದ್ಯಕ್ಕೆ ಯಾವುದೇ ಪ್ಲ್ಯಾನ್ ಮಾಡಿಲ್ಲವಂತೆ. ನನ್ನ ಹತ್ತಿರ ಸಾಕಷ್ಟು ಕೆಲಸವಿದೆ. ವೀರ್ ದಿ ವೆಡ್ಡಿಂಗ್ ಚಿತ್ರದ ಶೂಟ್‌ನಲ್ಲಿ ಬ್ಯೂಸಿ ಇ್ದದೇನೆ. ಆದ್ದರಿಂದ ನನಗೆ ಮದುವೆಯಾಗಲು ಟೈಮ್ ಸೀಗುತ್ತಿಲ್ಲ ಎಂದು ಸ್ವರಾ ಹೇಳಿದ್ದಾರೆ. 

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ