ಸಿಕ್ಸ್ ಪ್ಯಾಕ್ ಮಾಡದಂತೆ ಆಮೀರ್ ಗೆ ಸಲ್ಲು ಎಚ್ಚರಿಸಿದ್ಯಾಕೆ?

ಸುಲ್ತಾನ್ ಸಿನಿಮಾದಲ್ಲಿ ನಟ ಸಲ್ಮಾನ್ ಖಾನ್ ಅವರ ಕಟ್ಟುಮಸ್ತಾದ ದೇಹ ನೋಡಿದ ಅವರ ಅಭಿಮಾನಿಗಳು ವ್ಹಾ! ಅನ್ನುತ್ತಿದ್ದಾರೆ. ಸಿನಿಮಾಕ್ಕಾಗಿ ಸಲ್ಮಾನ್ ಖಾನ್ ಅವರು ಭರ್ಜರಿಯಾಗಿಯೇ ದೇಹ ದಂಡಿಸಿದ್ದರು. ಸಲ್ಮಾನ್ ಖಾನ್ ಅವರಂತೆ ಆಮೀರ್ ಖಾನ್ ಅವರು ಕೂಡ ತಮ್ಮ ದಾಂಗಲ್ ಸಿನಿಮಾಕ್ಕ ದೇಹವನ್ನು ಹುರಿಗೊಳಿಸಿದ್ದಾರೆ.

ಆಮೀರ್ ಖಾನ್ ದಾಂಗಲ್ ಸಿನಿಮಾದಲ್ಲಿ ಅಭಿನಯಿಸೋದಕ್ಕೂ ಮೊದಲು ಸಲ್ಮಾನ್ ಖಾನ್ ಅವರನ್ನು ಭೇಟಿಯಾಗಿದ್ದರಂತೆ.ಇಂತಹದ್ದೊಂದು ಇಂಟರೆಸ್ಟಿಂಗ್ ವಿಚಾರವನ್ನು ಇದೀಗ ಸಲ್ಮಾನ್ ಖಾನ್ ಅವರೇ ಬಹಿರಂಗಪಡಿಸಿದ್ದಾರೆ.

ಸಂದರ್ಶನ ವೊಂದರಲ್ಲಿ ಮಾತನಾಡಿದ ಸಲ್ಮಾನ್ ಖಾನ್ ಅವರು ದಾಂಗಲ್ ಸಿನಿಮಾದ ಶೂಟಿಂಗ್ ಇನ್ನೇನು ಆರಂಭವಾಗುತ್ತೆ ಅನ್ನೋವಾಗ ಆಮೀರ್ ಖಾನ್ ಅವರು ನನ್ನನ್ನು ಭೇಟಿಯಾಗಿದ್ದರು. ಈ ವೇಳೆ ಅವರು ನನ್ನಲ್ಲಿ ನಾನು ಸಿನಿಮಾಕ್ಕೆ ಯಾವ ರೀತಿ ವರ್ಕೌಟ್ ಮಾಡಬೇಕು ಅಂತಾ ಕೇಳಿದ್ದರು.ಆಗ ನಾನು ಅವರಿಗೆ ಸಿಕ್ಸ್ ಪ್ಯಾಕ್ ಮಾಡಬೇಡಿ ಅಂತಾ ಸಲಹೆ ನೀಡಿದೆ ಅಂತಾ ಅವರು ಹೇಳಿದ್ದಾರೆ.

ಇನ್ನು ಸಲ್ಮಾನ್ ಖಾನ್ ಅವರು ಆಮೀರ್ ಗೆ ಇಂತಹ ಸಲಹೆ ಕೊಡೋದಕ್ಕೆ ಕೂಡ ಒಂದು ಕಾರಣ ಇದೆ ಅದೇನಂದ್ರೆ ಸುಲ್ತಾನ್ ಸಿನಿಮಾ ಪೈಲ್ವಾನ್ ಕುರಿತಾದ ಸಿನಿಮಾ ಅದರಲ್ಲಿ ಕುಸ್ತಿಯಲ್ಲಿ ತಾಕತ್ತು ತೋರಿಸಬೇಕೇ ವಿನಃ ಸಿಕ್ಸ್ ಪ್ಯಾಕ್ ನಿಂದಲ್ಲ ಅಂತಾ ಅವರು ಸಿಕ್ಸ್ ಪ್ಯಾಕ್ ಮಾಡೋದು ಬೇಡ ಅಂತಾ ಸಲಹೆ ನೀಡಿದ್ರಂತೆ.

ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ