ಒಂದು ಸಿನಿಮಾ ರಿಲೀಸ್ ಆದ ಮೊದಲ ದಿನದ ರೆಸ್ಪಾನ್ಸ್ ನೋಡಿ ಆ ಸಿನಿಮಾ ಹಿಟ್ ಆಗುತ್ತಾ ಇಲ್ವೋ ಅಂತಾ ಲೆಕ್ಕಾಚಾರ ಹಾಕ್ಬಹುದು. ಆದ್ರೆ ಸಿನಿಮಾವೊಂದು ರಿಲೀಸ್ ಆದುವ ಮೊದಲೇ ಈ ರೀತಿ ಲೆಕ್ಕಾಚಾರ ಶುಕರುವಾದ್ರೆ ಆ ಸಿನಿಮಾವನ್ನು ಹೇಗಾದ್ರು ಮಾಡಿ ನೋಡ್ಬೇಕಲ್ವಾ ಅನ್ನೋ ಆಸೆ ಹುಟ್ಟೋದು ಸಾಮಾನ್ಯ. ಸಲ್ಮಾನ್ ಖಾನ್ ಅವರ ಸುಲ್ತಾನ್ ಸಿನಿಮಾದ ವಿಚಾರದಲ್ಲೂ ಇದೆ ಆಗಿದೆ.
ಸಲ್ಮಾನ್ ಖಾನ್ ಅಭಿನಯ ಸುಲ್ತಾನ್ ಸಿನಿಮಾದ ಎರಡು ಟ್ರೇಲರ್ ಗಳು ಈಗಾಗಲೇ ಬಿಡುಗಡೆಯಾಗಿದೆ. ಟ್ರೇಲರ್ ನೋಡಿದ ಅಭಿಮಾನಿಗಳೆಲ್ಲಾ ಫುಲ್ ಖುಷಿಯಾಗಿದ್ದಾರೆ. ಅಷ್ಟೇ ಅಲ್ಲ ಎರಡು ದಿನಗಳ ಹಿಂದೆ ರಿಲೀಸ್ ಆಗಿರುವ ಟ್ರೇಲರ್ ಅಂತೂ ಅಭಿಮಾನಿಗಳ ದಿಲ್ ಕದ್ದಿದೆ.ಈ ಟ್ರೇಲರ್ ನೋಡಿದ ಮಂದಿಯೆಲ್ಲಾ ಸಿನಿಮಾದ ಭವಿಷ್ಯ ಹೇಳೋದಕ್ಕೆ ರೆಡಿಯಾಗಿದ್ದಾರೆ. ಟ್ರೇಲರ್ ನೋಡಿ ಅನೇಕರು ಈ ಸಿನಿಮಾ ಕಲೆಕ್ಷನ್ ನಲ್ಲಿ ಮುನ್ನೂರು ಕೋಟಿ ಕ್ಲಬ್ ಸೇರುತ್ತೆ ಅಂತಾ ಹೇಳಿದ್ದಾರಂತೆ. ಇದು ಸಿನಿಮಾ ತಂಡಕ್ಕೂ ಸಾಕಷ್ಟು ಖುಷಿ ತರಿಸಿದೆ.
ಅಂದ್ಹಾಗೆ ಈಗಾಗಲೇ ಚಿತ್ರೀಕರಣ ಮುಗಿಸಿರುವ ಸುಲ್ತಾನ್ ಸಿನಿಮಾತಂಡ ಸಿನಿಮಾದ ಪ್ರಮೋಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ. ಸಿನಿಮಾದಲ್ಲಿ ಇದೇ ಮೊದಲ ಬಾರಿಗೆ ಅನುಷ್ಕಾ ಶರ್ಮಾ ಅವರು ಸಲ್ಮಾನ್ ಖಾನ್ ಅವರಿಗೆ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಲಿ ಅಬ್ಬಾಸ್ ಜಾಫರ್ ಈ ಸಿನಿಮಾಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ. ಈದ್ ಹಬ್ಬಕ್ಕೆ ಸಿನಿಮಾ ರಿಲೀಸ್ ಆಗಲಿದೆ.
